House at Longbeach

Selfsorg

Soos Gesien op Facebook
Kapasiteit: 4 persone
Alle ouderdomme is welkom
Inkloktyd: 16:00 tot 21:00
Uitkloktyd: 10:00
Adres: Hoek van Kusweg 79 en Willow-straat 1, Noordhoek, 7975, Wes-Kaap
Vanaf R2 720 per nag, vir 4 mense

Beskrywing

House at Longbeach bied gerieflike selfsorgverblyf in 'n tweeslaapkamerwoonstel op die boonste verdieping van die hoofhuis wat net 400 m vanaf Noordhoek se strand geleë is. Die woonstel spog met 'n lieflike uitsig oor die see en op die berge en dit grens aan die natuurreservaat.

Die woonstel bied slaapplek aan 4 gaste en kombineer die tradisionele elemente van 'n plaashuis met die knus kenmerke van 'n strandhuis. Die hoofslaapkamer het 'n koninggrootte-bed, die tweede slaapkamer het 2 enkelbeddens en albei het toegang tot 'n groot balkon. Die badkamer het 'n bad, stort, wasbak en 'n toilet. Linne en handdoeke word voorsien.

Die leefarea het 'n oopplan-uitleg en sluit 'n kombuis, eetarea en 'n sitarea in. Die kombuis spog met 'n marmertoonbank met 2 stoele en is met 'n stoof, 2 oonde, 'n mikrogolfoond, yskas-vrieskas, koffiemasjien, skottelgoedwasser, eetgerei en breekware toegerus.

Die etenstafel het 6 stoele en die sitarea het gemaklike rusbanke, 'n kaggel en 'n TV. Gratis WiFi word voorsien.

'n Omsetter met rugsteunbatterye ondersteun die TV, WiFi, alarmstelsel en hek tydens beurtkrag en 'n gasplaat is vir kook beskikbaar.

Die tuin spog met 'n swembad, dammetjie, braai- en speelarea en word met 'n trap vanaf die stoep bereik.

Parkeerplek is vir 1 voertuig op die perseel beskikbaar.

Let asb. daarop dat die grondverdieping met sy eie ingang permanent verhuur word.

Kry ’n Kwotasie