Nommer Drie

Selfsorg

Kapasiteit: 12 persone
Alle ouderdomme is welkom
Inkloktyd: 16:00 tot 22:00
Uitkloktyd: 10:00
Adres: Kusweg Oos-straat 3, Struisbaai, 7285, Wes-Kaap
Vanaf R4 300 per nag (plek vir 12)

Beskrywing

Nommer Drie is in die kusdorpie Struisbaai in die Overbergstreek van die Wes-Kaap. Die huis is 50 m vanaf Struisbaai se hawe langs die ou Harbour Lights Gastehuis, oorkant die parkeerplek vir bootsleepwaens.

Die huis het slaapplek vir 8 volwassenes en 6 kinders. Gaste moet asb. die aantal gaste vooraf op die besprekingsvorm aandui. Die huis beskik oor 3 ruim en suite-slaapkamers en 1 aparte bad en stort. Die eerste slaapkamer het 'n dubbelstapelbed, 'n TV, 'n rusbank en 'n skuifdeur wat na 'n stoep lei. Die tweede slaapkamer het 2 dubbelstapelbeddens en 'n en suite-badkamer met 'n dubbelstort, TV en skuifdeure wat na 'n stoep lei. Die derde slaapkamer het 'n koninggrootte-hemelbed en 2 enkelbeddens, asook 'n en suite-badkamer met 'n stort en 'n bad.

Die huis het 'n oopplan-kombuis wat ten volle toegerus is, 'n leefarea en 'n aparte opwaskamer met al die nodige geriewe, maar nie 'n skottelgoedwasser nie. Dit het ook 'n ekstra diepvrieskas en 2 yskaste.

Daar is 'n ontbyttoonbank met stoele in die kombuis en die oopplan-sitarea het 'n gemaklike rusbankstel en 'n platskerm-TV teen die muur, asook 'n ingeboude braai. Die aparte TV-kamer het 'n hoekbank, 'n platskerm-TV teen die muur, 'n etenstafel met sitplek vir 4 en lei na buite. Daar is ook WiFi en 2 vol Explora-pakkette beskikbaar.

Die leefarea het stapeldeure wat na 'n groot stoeparea met stoepmeubels, 2 sambrele en braaigeriewe lei. Die stoep bied 'n uitsig oor die groot, omheinde tuin.

'n Aparte kamer vir 'n inwonende huishulp is op versoek teen addisionele koste beskikbaar. Dié kamer het 'n stapelbed en 'n badkamer.

Kry ’n Kwotasie