Beskrywing

Huis Maroela is in Marlothpark geleë en bied gehalteverblyf vir 'n klein gesin of klein groep vriende. Dit is lekker naby talle winkels, restaurante, aktiwiteite en besienswaardighede.

Die huis het 2 slaapkamers en bied slaapplek aan 4 gaste. Die hoofslaapkamer het 'n koningingrootte-bed en 'n en suite-badkamer met 'n stort, toilet en wasbak. Die tweede slaapkamer het 2 enkelbeddens en 'n en suite-badkamer met 'n stort, toilet en wasbak. Die huis is ontwerp om koel in die somer te wees en spog met 'n hoë dak en energiebesparende vensters en skuifdeure. Elke kamer het ook lugversorging. Daar is sonkragpanele en 'n batterystelsel om die impak van beurtkrag te verminder.

Die kombuis is met 'n gas- en elektriese stoof, oond, yskas-vrieskas, mikrogolfoond, koffie- en teemaakgeriewe, breekware en eetgerei toegerus. Geniet 'n heerlike ontbyt by die eilandtoonbank in die kombuis of op die stoep langs die swembad in die skadu van die reuse-maroelaboom. Daar is 'n Nespresso-masjien vir die koffieliefhebbers. Neem net jou eie kapsules. Daar is ook 'n ysmasjien, en swemhanddoeke word voorsien.

Die sitkamer het gemaklike rusbanke en 'n eetarea met genoeg sitplek waar gaste hul maaltye kan geniet. Gaste kan ook van die gratis WiFi gebruik maak. Let wel daar is nie 'n TV nie. Die leefarea het skuifdeure wat oopskuif en na die stoep, swembad en die braaiboma lei.

Daar is lieflike braaigeriewe en parkeerplek op die perseel.

Seekoeie, leeus en hiënas sorg vir die nagmusiek in Marlothpark, terwyl die visarende se geroep die hele dag weerklink. Wildritte en visvang-uitstappies kan teen ekstra koste gereël word. Daar is verskeie restaurante in Marlothpark. Bring 'n verkyker en stapskoene saam en stap al langs die Krokodilrivier wat die grens tussen die Krugerwildtuin en Marlothpark vorm.