Inglenook Farmhouse

Selfsorg

Kapasiteit: 12 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Erfdeel 24 Jacobskraal, Yzerfontein, 7351, Wes-Kaap
Vanaf R7 500 per nag (plek vir 12)

Beskrywing

Inglenook Farmhouse bied absolute privaatheid in 'n moderne selfsorgplaashuis omring deur 10 hektaar fynbos. Dit is net 45 minute se ry van Kaapstad af en 10 minute se ry van die bekende Sestienmylstrand af. Dit is die ideale verblyf vir 'n groot gesin of 'n groep vriende.

Die huis self is omring deur fynbos en ander inheemse flora en fauna en is op 'n produserende plaas geleë. Inglenook Farmhouse het slaapplek vir 12 gaste en beskik oor 5 slaapkamers waarvan 4 op die onderste verdieping is. Die boonste slaapkamer is oopplan en het sy eie badkamer.

Twee van die 4 slaapkamers op die onderste verdeiping het en suite-badkamers met 'n toilet, stort en 'n wasbak. Die ander 2 kamers se gaste deel 'n groot badkamer met 'n toilet, stort, bad en 'n dubbelwasbakeenheid. Elke kamer is ruim en het 'n dubbelbed. Daar is ook 'n ekstra stort en badkamer vir gaste om te gebruik. Elke slaapkamer het 'n kaggel en bied toegang tot 'n stoep. Die onderste slaapkamer het 'n dubbelbed en 2 enkelbeddens en 'n en suite-badkamer met 'n toilet, stort, bad en dubbelwasbakeenheid.

Daar is 'n oopplan-leefarea, -kombuis en kuierarea onder wat na die swembad en kuierarea buite lei. Die kombuis is volledig toegerus met breekware, eetgerei, kooktoebehore, gasstoof, elektriese oond, yskas-vrieskas, koffiemasjien en wynyskas. Daar is 'n aparte stoorkamer langsaan die kombuis met 'n skottelgoedwasser, wasmasjien en tuimeldroër. Skuifdeure lei na 'n oop area wat perfek is vir warm somersdae.

Die swembadarea spog met sonbeddens en sonstoele en 'n braai-area. Daar is ook 'n badkamer/aantrekkamer, buitestort en sauna! Verder is daar 2 vuurputte vir laataandkuiers, een voor die swembad en een verder van die huis af vir diegene wat wil sterrekyk. 'n Tafel en stoele vir al fresco-etes is ook beskikbaar. Veilige parkeerplek is beskikbaar.

Kry ’n Kwotasie