Intaba Game Farm

Lodge

Kapasiteit: 8 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: R66, Magutplaas, erfdeel 3, Pongola, 3170, KwaZulu-Natal
Vanaf R3 680 per nag, vir 8 mense

Beskrywing

Intaba Game Farm is in 2022 gestig en is 'n wildplaas van 1200 hektaar wat in die hartjie van Zoeloeland tussen Pongola en Magudu geleë is. Die wildplaas spog met inheemse plant- en dierspesies, asook skouspelagtige uitsigte. Dit is die perfekte plek vir 'n gesin of groep vriende om van die besige wêreld te ontsnap en te ontspan.

Verblyf word in die hoofkamp, Intaba, gebied en daar is 4 luukse, alleenstaande chalets wat lugversorging het. Die chalets het elk slaapplek vir 2 volwassenes en 2 kinders en het 'n koninggrootte-bed wat in 2 enkelbeddens omskep kan word en 2 matrasse vir kinders. Drie van die chalets het badkamers wat 'n binne- en buitestort, wasbak en 'n toilet het. Die hoofchalet het 'n badkamer het met 'n bad, binnestort, buitestort, wasbak en 'n toilet. Vars linne en handdoeke word voorsien.

Elke chalet spog met 'n privaat dek.

Hierdie verblyf spog met 'n moderne en stylvolle oopplan-hoofgebou wat lugversorging, 'n kombuis, eetarea en 'n kuierarea het. Die kombuis is met 'n yskas-vrieskas, kisvrieskas, addisionele yskas, gasstoof, elektriese oond, mikrogolfoond, eetgerei, breekware en koffie- en teemaakgeriewe toegerus. Daar is 'n ruim eetarea met sitplek. Die aangrensende sitarea het gemaklike rusbanke en 'n TV met 'n volle DStv-pakket. Gratis WiFi is beskikbaar. Hierdie gebou het ook 'n knus kaggel wat as 'n binnebraai gebruik kan word.

Die gebou lei na 'n dek met buite-eetplek. Daar is ook 'n groot vuurmaakplek waar gaste kan braai.

Gaste kan selfry-wildritte, voëlkyk, bergfietsry en voetslaan geniet. Daar is ook pragtige uitsigpunte waar gaste piekniek kan hou.

Kry ’n Kwotasie