Inyoni Rocks Cabanas 64

Beskrywing

Inyoni Rocks Cabanas 64 is 'n lieflike selfsorg-strandwoonstel wat op die hoofstrand van Amanzimtoti geleë is. Gaste is naby baie aktiwiteite en besienswaardighede.

Dié woonstel beskik oor 2 slaapkamers op die boonste verdieping en daar is 'n stapelbed en 'n enkelbed in die leefarea. Die hoofslaapkamer het 'n koningingrootte-bed en 'n en suite-badkamer met 'n stort-oor-bad, toilet en 'n wasbak. Die tweede slaapkamer het 2 driekwartbeddens en ingeboude kaste. Daar is ook 'n tweede badkamer in die gang wat 'n stort-oor-bad, toilet en 'n wasbak het.

Die kombuis is op die onderste verdieping en is met 'n yskas, mikrogolfoond, stoof, 'n oond, eetgerei en breekware toegerus. Die leefarea het gemaklike rusbanke en 'n TV met DStv-kanale. WiFi is beskikbaar.

Daar is 'n balkon met 'n uitsig oor die Indiese Oseaan en gaste het toegang tot 'n gemeenskaplike swembad. Spur Steak Ranch is langs Inyoni Rocks en die Thirsty Whale-restaurant is ook naby waar gaste lewendige vermaak en rugby op die grootskerm kan geniet.