Isibankwa

Selfsorg

Kapasiteit: 14 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Glen-rylaan 8, Zinkwazi-strand, 4480, KwaZulu-Natal
Vanaf R7 000 per nag (plek vir 14)

Beskrywing

Isibankwa is 'n selfsorghuis in Zinkwazi-strand, KwaZulu-Natal. Hierdie huis is ideaal vir 'n gesin wat naby die strand en weg van die stadsgejaag wil wees.

Dié dubbelverdiepinghuis bied slaapplek aan 14 gaste en beskik oor 6 slaapkamers en 6 badkamers. Die eerste slaapkamer is op die boonste verdieping en het 'n dubbelbed en 'n en suite-badkamer met 'n bad, stort, wasbak en toilet. Die slaapkamer bied ook toegang tot 'n stoep. Die res van die slaapkamers is almal op die grondverdieping. Die tweede slaapkamer het 'n dubbelbed en 2 enkelbeddens vir kinders, asook 'n en suite-badkamer met 'n stort, wasbak en toilet. Die derde en vierde slaapkamer het elkeen dubbelbeddens en gaste het toegang tot en suite-badkamers. Die derde slaapkamer se en suite-badkamer het 'n stort, wasbak en toilet, terwyl die vierde slaapkamer se en suite-badkamer 'n bad, stort, wasbak en toilet het. Die vyfde slaapkamer het 2 enkelbeddens en 'n en suite-badkamer met 'n stort, wasbak en toilet. Elke slaapkamer het plafonwaaiers. Linne, handdoeke en strandhanddoeke word voorsien.

Die sesde slaapkamer is in die woonstel op die perseel en het 'n dubbelbed en 'n en suite-badkamer met 'n stort, wasbak en toilet. Die woonstel het gemaklike sitplek, 'n etenstafel en 'n kombuisie wat met 'n yskas-vrieskas, mikrogolf, eetgerei en breekware, en tee- en koffiemaakgeriewe toegerus is.

Die oopplan-leefarea op die boonste verdieping beskik oor 'n leefarea, kombuis, eetarea en opwaskamer. Die hoofsitarea het gemaklike sitplek en die eetarea het 'n etenstafel. Die kombuis is met 'n yskas-vrieskas, stoof, oond, mikrogolf, skottelgoedwasser, eetgerei en breekware, 2 yskassies en tee- en koffiemaakgeriewe toegerus. Die huis het 'n wasmasjien en tuimeldroër vir gaste se gerief. Die leefarea lei na 'n onderdakstoep met meubels en bied uitsigte oor die see en die strandmeer. Gaste op die onderste verdieping het toegang tot 'n leefarea met rusbanke en 'n TV, 'n kuierarea met 'n pooltafel, en 'n onderdakbraai-area met 'n ingeboude braai en 'n etenstafel. Gratis WiFi is beskikbaar.

Gaste het toegang tot 'n omheinde swembad, 'n skaduryke dek met meubels, 'n omsetter vir kragonderbrekings, en 2 onderdakparkeerplekke. Daar is ook ekstra oop parkeerplek op die perseel. Hierdie verblyf is naby plaaslike winkels en restaurante en bied het toegang tot die strand via trappe.

Kry ’n Kwotasie