Beskrywing

Isigidi Beach House is 'n selfsorg-vakansiehuis in Melville in Banana Beach, sowat 12 km tussen Port Shepstone en Hibberdene, geleë. Die huis is ideaal vir 'n familie of 'n groep wat op soek is na gerieflike verblyf naby die strand en ver weg van die stad se geraas af.

Die ruim, smaakvolle huis beskik oor 5 slaapkamers en 2 badkamers. Die slaapkamers is toegerus met 'n koningingrootte-bed en/of 2 enkelbeddens. Daar is 2 gedeelde badkamers. Die leefarea is oopplan, met die kombuis wat toegerus is met 'n yskas-vrieskas, 'n mikrogolfoond, 'n gasstoof met 'n oond, eetgerei en breekware en oorgenoeg ingeboude kaste met ander toebehore vir gaste se gebruik.

Die leefarea het gemaklike leerbanke met sekere DStv-kanale en 'n DVD-biblioteek. Op die onderste vloer is die vermaak-area met 'n kroeg, 'n pooltafel en 'n veerpyltjiebord. Die leefarea bied toegang tot die patio met 'n Jacuzzi waar gaste kan ontspan, 'n braai-area en 'n tafel met bankies. Daar is veilige parkeerplek vir gaste se voertuie op die perseel beskikbaar. 'n Skoonmaakdiens is beskikbaar op Maandae en Vrydae. Alternatiewe dae kan vooraf bespreek word teen 'n ekstra fooi.

Isigidi Beach House is stapafstand van die strand af en dis net 'n paar minute se ry van die plaaslike winkels, restaurante, 'n gholfbaan en ander besienswaardighede af.