Apartment @ Island Paradise

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: De Le Ray-straat 23, The Island, Sedgefield, 6573, Wes-Kaap
Vanaf R1 508 per nag (plek vir 4)

Beskrywing

Apartment @ Island Paradise is 'n selfsorgvakansiewoonstel op die boonste verdieping in The Island in Sedgefield. Dit is net 5 minute se stap van die Swartvlei-strandmeer en Saterdagoggend Wild Oats-markie af. The Island is 'n natuurbewarea en is vol pragtige voëls insluitend visarende. Dit is die ideale plek vir 'n rustige en vreedsame, stresvrye vakansie.

Die woonstel word bereik deur 'n stel trappe en het 'n privaat ingang. Die woonstel bied slaapplek aan 4 gaste en beskik oor 2 slaapkamers, 1 badkamer en 'n oopplan-kombuis, -eetarea en -leefarea. Die eerste slaapkamer het 'n koninggrootte-bed en die tweede slaapkamer het 2 enkelbeddens. Albei kamers het ingeboude kaste. Die badkamer het 'n stort, toilet en 'n wasbak.

Die kombuis is met 'n yskas-vrieskas, stoof, oond, mikrogolf, ketel en koffiemaker toegerus. Die eetarea het 'n etenstafel met 4 stoele. Die sitarea het 'n L-vormige rusbank en 'n platskerm-TV. Die leefarea lei na 'n pragtige onderdakhoutdek met buitemeubels. Dit is 'n lieflike plek vir ontbyt of gaste kan net ontspan met 'n skemerkelkie na 'n dag by die strand. Die verblyf het 'n omsetter en 'n battery en ervaar dus nie beurtkrag nie.

Onder, in die tuin, is daar 'n plonspoel waarin gaste kan afkoel.

Gaste kan stap of fietsry om The Island te verken en die dorp is net 15 minute se stap ver. Dit is ook net 'n entjie se ry tot by die mooie Knysna, Pine Lake Marina, Wilderness-strand en Myoli-strand.

Kry ’n Kwotasie