Ivory Sands Safari Lodge

Selfsorg

Kapasiteit: 16 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Crocodile-weg 241, Marlothpark, 1321, Mpumalanga
Vanaf R8 000 per nag (plek vir 16)

Beskrywing

Ivory Sands Safari Lodge is 'n selfsorgvakansiehuis wat in 'n park op die oewer van die Krokodilrivier geleë is en aan die Krugerwildtuin grens. Dit is ideaal vir 'n gesinswegbreek in die Bosveld en spog ook met 'n swembad.

Dié huis bied slaapplek aan 16 volwassenes en 2 kinders en beskik oor 8 slaapkamers, waarvan 3 ingange vanaf buite het terwyl die ander na 'n balkon lei. Die hoofslaapkamer het 'n koningingrootte-bed en 'n en suite-badkamer met 'n bad en 'n stort. Die tweede en derde slaapkamers het elk 'n dubbelbed en 'n en suite-badkamer met 'n stort in die een en 'n bad en 'n stort in die ander een. Die vierde en vyfde slaapkamers het elk 2 enkelbeddens. Die ander 3 slaapkamers het elk 'n dubbelbed en 'n en suite-badkamer met 'n stort óf 'n bad en 'n stort.

Die leefarea beskik oor 'n kombuis wat met 'n gasstoof en -oond, 'n elektriese stoof met 'n oondjie, mikrogolfoond, yskas-vrieskas, 'n ysmasjien, eetgerei, breekware en koffie- en teemaakgeriewe toegerus is. Die sitarea het gemaklike sitplek, 2 enkelbeddens vir kinders en 'n TV met DStv en Netflix. Gratis WiFi is beskikbaar en die huis het ook 'n kroegarea.

Buite is daar 'n ruim onthaalarea met 'n buite-etenstafel, braaigeriewe en 'n swembad. Gaste kan ook besoeke van die wild geniet.

Kry ’n Kwotasie