Izinkwe Lodge

Lodge

Kapasiteit: 44 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Kruisrivier Plaas 74JS, Groblersdal, 0470, Limpopo
Vanaf R1 300 per nag, vir 2 mense

Beskrywing

Izinkwe Lodge is 'n prentjiemooi wildlodge in die Loskopvallei, 60 km vanaf Middelburg in Mpumalanga. Dis slegs 2 ure vanaf Pretoria, en 15 km vanaf Loskopdam. Izinkwe Lodge bied gaste 'n rustige wegbreek en 'n unieke wild- en natuur-ervaring.

Die lodge het 'n hoofkamp, selfsorgeenhede, tentkampe asook 'n privaat boshut.

Die hoofkamp word as 'n eenheid verhuur en het 6 chalets wat elkeen 1 slaapkamer, 'n en suite-badkamer en koffie- en teemaakgeriewe het. Hierdie kamers huisves elk 2 gaste. Daar is 2 gesinskamers by die hoofkamp en hulle huisves elk 'n gesin van nie meer as 5 nie. Hierdie kamers het ook 'n en suite-badkamer en koffie- en teemaakgeriewe. 'n Gedeelde kombuis, kroeg, braai-area en 'n kouewaterswembad is ook deel van die hoofkamp.

Die wittebrood-suite het 'n privaat braai-area en 'n kombuis wat volledig toegerus is.

Die luukse selfsorgeenhede is almal en suite-eenhede. Elkeen het 'n kombuis wat volledig toegerus is met 'n stoof, mikrogolfoond, yskassie, breekware en 'n opwasarea. Daar is 'n privaat braai- en kuierarea by elke eenheid. Daar is 'n swembad by die selfsorgeenhede.

Die 2 safari-tente het elkeen 'n privaat badkamer, braai-area. Daar is geen elektrisiteit nie. Daar is 'n donkie vir warm water. Die kombuis is toegerus met 'n gas- en koolstoof, en al die nodige breekware en eetgerei. Albei tente het toegang tot 'n swembad wat slegs in die somer volgemaak word. Die Kruisrivier vloei verby die eenhede. Dié eenhede is ongeveer 3 km van die hoofkamp af.

Die boshuis is stapafstand vanaf die tente, maar ongeveer 3 km van die hoofkamp. Dit beskik oor 'n oopplan-slaapkamer en -sitkamer. Die en suite-badkamer het 'n stort, toilet en 'n wasbak. Daar is ook 'n badkamer buite met 'n opelugstort en toilet. Die eenheid het sy eie kombuis met 'n gas- en koolstoof, asook lekker braai-area. Daar is 'n ysboks vir ys wat daagliks aangevul word. Al die nodige breekware en eetgerei word voorsien. Krag is ongelukkig nie beskikbaar nie, maar die eenheid beskik oor lanterns en warm water wat deur middel van 'n donkie voorsien word. Die Kruisrivier vloei verby die huis.

Elke eenheid beskik oor die nodige beddegoed en badhanddoeke. Gaste moet asb. hul eie swemhanddoeke en toiletware saambring.

Doendinge by Izinkwe Lodge sluit wildritte, 4x4-roetes, visvang op 'n vang-en-vrylaat-basis, minigholf, pool en tafeltennis in. Daar is ook voetslaan- en bergfietsroetes. Daar is 2 kouewaterswembaddens. Daar is nie 'n restaurant of 'n kroeg nie. Maar spyseniering word vir funksies gedoen. 'n Veldpiekniek kan vooraf bespreek word vir enige belangstellendes.

Geen 2x4-voertuie of sportnutsvoertuie word op die 4x4-roete toegelaat nie. Die paaie is glad nie geskik vir voertuie met 'n lae grondvryhoogte nie. Wildritte kan vooraf gereël word.

Kry ’n Kwotasie

Dít is wat jy hier sal kry

Tee en koffie

Gratis, veilige parkeerplek

WiFi

Konferensiegeriewe

Swembad

Ontbyt beskikbaar

Resensies

4.7/ 5

Gebaseer op 106 resensies

Uitstekend

Netheid

4.8

Ligging

4.4

Waarde vir geld

4.7

Diens

4.7

Veiligheid

4.7

Gaste se hoogtepunte

Lucas S

Saam met lewensmaat

5.0

Quite and relaxing. Super chill and tranquil. I will be visiting again.

Word in die oorspronklike taal vertoon.

Nov 2024

Neill D

Saam met lewensmaat

5.0

Fantastiese plek. Baie stil en netjies.

Jan 2024

Marischka M

Saam met vriende

5.0

Sal definitief weer Izinkwe Lodge besoek. Dankie Denise en Andre vir al jul gasvryheid. Denise and Andre was super gasvry, die res van die personeel w...

Sien meer

Des 2023

Pieter J

5.0

Rustigheid was om jou. Was baie lekker rustig, skakel baie af as jy daar om die kampvuur sit. Die wild loop om die huis soos jy jou self tuis maak was...

Sien meer

Mei 2023

André V

Gesin met tieners

4.6

Stil en rustig. Het die stilte geniet. Vriendelike staff wat baie behulpsaam was.

Mei 2023

Sien al 106 resensies