Izinkwe Lodge

Lodge

Kapasiteit: 44 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Kruisrivier Plaas 74JS, Groblersdal, 0470, Limpopo
Vanaf R1 300 per nag, vir 2 mense

Beskrywing

Izinkwe Lodge is 'n skilderagtige wildlodge in die Loskopvallei, 60 km vanaf Middelburg in Mpumalanga. Dit is net 2 uur vanaf Pretoria, en 15 km vanaf Loskopdam. Izinkwe Lodge bied gaste 'n rustige wegbreek en 'n unieke safari-ervaring.

Die lodge het 'n hoofkamp, selfsorg-eenhede, tentkampe asook 'n privaat boshut.

Die hoofkamp word as 'n eenheid verhuur en beskik oor 6 chalets, elk met 1 slaapkamer, 'n en suite-badkamer en tee- en koffiemaakgeriewe. Hierdie kamers bied slaapplek aan 2 gaste elk. Daar is 2 gesinskamers by die hoofkamp en elkeen akkommodeer 'n gesin van hoogstens 5. Hierdie kamers het ook 'n en suite-badkamer en tee- en koffiemaakgeriewe. 'n Gedeelde kombuis, kroeg, braai-area en 'n kouewaterswembad is ook deel van die hoofkamp.

Die wittebroodsuite het 'n privaat braai-area en 'n volledig toegeruste kombuis.

Die luukse selfsorg-eenhede is almal en suite-eenhede. Elke eenheid het 'n kombuis wat volledig toegerus is met 'n stoof, mikrogolf, yskassie, breekware en 'n opwasarea. Daar is 'n privaat braai en sitarea by elke eenheid. Daar is 'n swembad by die selfsorg-eenhede.

Die 2 safari-tente het elk 'n privaat badkamer, braai-area, en daar is geen elektrisiteit nie. Daar is 'n donkie vir warm water maar geen krag nie. Die kombuis is toegerus met 'n gas- en koolstoof, en al die nodige breekware en eetgerei. Albei tente het toegang tot 'n swembad wat net in die somer volgemaak word. Die Kruisrivier vloei ook in die somer verby die eenhede. Hierdie eenhede is ongeveer 3 km vanaf die hoofkamp.

Die boshuis is stapafstand van die tente af, maar sowat 3 km vanaf die hoofkamp. Dit beskik oor 'n oopplan-slaapkamer en -sitkamer. Die en suite-badkamer het 'n stort, toilet en wasbak. Daar is ook 'n buitebadkamer met 'n buitelugstort en 'n toilet. Die eenheid het sy eie kombuis met 'n gas- en koolstoof, asook 'n lekker braai-area. Daar is 'n yskas vir ys wat daagliks aangevul word. Al die nodige breekware en eetgerei word voorsien. Krag is nie beskikbaar nie, maar die eenheid beskik oor sonkragligte en warm water wat deur middel van 'n donkie voorsien word. Die Kruisrivier vloei verby die huis.

Elke eenheid het beddegoed en badhanddoeke. Gaste moet asseblief hul eie swemhanddoeke en toiletware saambring.

Doendinge by Izinkwe Lodge sluit wildritte, 4x4-roetes, vang-en-vrylaat-hengel, minigholf, swembad en tafeltennis in. Daar is ook stap- en bergfietsroetes. Daar is 2 koue water swembaddens. Daar is geen restaurant of kroeg nie, maar spyseniering kan gedoen word vir funksies. 'n Veldpiekniek kan bespreek word.

Neem asseblief kennis dat geen 2x4-voertuie of sportnutsvoertuie op die 4x4-roete toegelaat word nie. Die paaie is glad nie geskik vir voertuie met lae grondvryhoogte nie. Wildritte kan gereël word.

Kry ’n Kwotasie

Dít is wat jy hier sal kry

Tee en koffie

Gratis, veilige parkeerplek

WiFi

Konferensiegeriewe

Swembad

Ontbyt beskikbaar

Resensies

4.7/ 5

Gebaseer op 106 resensies

Uitstekend

Netheid

4.8

Ligging

4.4

Waarde vir geld

4.7

Diens

4.7

Veiligheid

4.7

Gaste se hoogtepunte

Lucas S

Saam met lewensmaat

5.0

Quite and relaxing. Super chill and tranquil. I will be visiting again.

Word in die oorspronklike taal vertoon.

Nov 2024

Neill D

Saam met lewensmaat

5.0

Fantastiese plek. Baie stil en netjies.

Jan 2024

Marischka M

Saam met vriende

5.0

Sal definitief weer Izinkwe Lodge besoek. Dankie Denise en Andre vir al jul gasvryheid. Denise and Andre was super gasvry, die res van die personeel w...

Sien meer

Des 2023

Pieter J

5.0

Rustigheid was om jou. Was baie lekker rustig, skakel baie af as jy daar om die kampvuur sit. Die wild loop om die huis soos jy jou self tuis maak was...

Sien meer

Mei 2023

André V

Gesin met tieners

4.6

Stil en rustig. Het die stilte geniet. Vriendelike staff wat baie behulpsaam was.

Mei 2023

Sien al 106 resensies