Heerlike Karoo-rustigheid. Ek het alleen vir 2 nagte op Jagersberg gaan kuier. Was net lus vir die rustigheid en stilte. Die gasheer, Donald, is egter baie bereid om mens saam te neem op alle plaasaktiwiteite. Ek het ook 'n heerlike Karoo-lam daar gekoop en die braaigeriewe is volop.

Goeie atmosfeer, gesellig en baie mooi. Geen krag maar dra by tot rustigheid, baie gasvry en mooi.

Fantastiese aand van stil word en die eenvoud geniet. Ons is baie goed verwelkom en daar was groot moeite gedoen om ons so gemaklik as moontlik te maak. Die huisie is oud en eenvoudig, maar dis idilies en die hele gesin het dit geniet om die aand rondom lampolie lig te geniet met kaggel wat brand. Die plaas is oop om op te stap en baie ander aktiwiteite is beskikbaar indien meer tyd beskikbaar is.

Primitief luuks. Ek en my 2 Scotties het ongelooflik lekker gebly. Al is daar geen elektrisiteit nie is die huis baie gerieflik en volledig toegerus en baie netjies. Ons is bekoor deur klipkoppe en kokerbome en kon elke aand in die Boesmanland stilte op die stoep onder die helder sterrehemel kuier. Ek beveel Jagersberg definitief aan!

Pragtige huisie op die plaas. Ons het oornagverblyf benodig op pad terug van Clanwilliam na Johannesburg. Carnarvon was dus 'n goeie besluit, maar ons het nie besef dat die verblyf omtrent 'n uur se ry van Carnarvon was nie, ons roete was toe met 2 ure verleng. Die verblyf self is goed. Baie netjies en het als wat jy benodig. Ons het ongelukkig in die donker daar gearriveer en toe weer vertrek. Dit lyk na 'n baie mooi plaas en of jy rustigheid daar kan vind.

Baie aangenaam in 'n rustige omgewing. Baie aangenaam in 'n rustige omgewing. Goeie waarde vir geld met 'n baie behulpsame en vriendelike gasheer en -vrou. Sal enige tyd weer daar gaan bly as dit op my pad is.

Baie lekker en rustig. Die verblyf is skoon en netjies. Met die lieflike plaasatmosfeer het ek sommer terug verlang na my kinderjare.

Attention to detail and true Karoo hospitality made this a memorable experience. Our hosts were warm and hospitable. They went out of their way to make our stay interesting and comfortable. The farm is off the beaten track but well worth a visit for its unique location. The cottage is neat as a pin with great attention to detail. We wish that we could have stayed longer.