Beskrywing

Jakkals se gat is 'n knus selfsorghouthuisie op 'n plaas 40 km vanaf Bethulie in die Vrystaat. Die huisie is ideaal vir reisigers wat op soek is na gerieflike verblyf.

Die huisie beskik oor 2 slaapkamers en 'n badkamer. Die slaapkamers het elkeen 2 stapelbeddens en 'n en suite-badkamer. Een van die en suite-badkamers het 'n stort en die ander een het 'n bad. Beddegoed en badhanddoeke word voorsien en gaste moet hul eie swemhanddoeke saambring.

Die oopplan-leefarea het gemaklike stoele, 'n knus kaggel, 'n etenstafel en 'n kombuisie. Die kombuisie is met 'n tweeplaatstoof, yskas, vrieskassie, eetgerei en breekware toegerus.

Die huisie het bordspeletjies en legkaarte waarmee gaste hulself voor die kaggel kan besig hou. Gaste kan ook soggens 'n koppie koffie op die stoep geniet of op 'n warm middag in die plonspoel afkoel.

Daar is 'n lieflike vuurput waar gaste kan braai of net die buitelug geniet terwyl hulle sterrekyk. 'n Draagbare skottelbraai en gazebo is ook beskikbaar. Troeteldiere is welkom indien dit vooraf gereël word.

Kom geniet die natuur in 'n houthuisie in die berge en aanskou die pragtige uitsig oor die Vrystaatse vlaktes. Gaste kan gaan wandel, bergklim, bergfietsry en vanaf hul voorstoep wildkyk.