Jock's View

Selfsorg

Gratis kansellasie tot 1 week voor jou verblyf!
Kapasiteit: 8 persone
Alle ouderdomme is welkom
Inkloktyd: 15:00 tot 19:00
Uitkloktyd: 10:00
Adres: High Level-weg 2912, Bettysbaai, 7141, Wes-Kaap
Vanaf R2 900 per nag (plek vir 8)

Beskrywing

Jock's View is 'n selfsorghuis hoog teen Kogelberg in Bettysbaai. Hier kan gaste op die stoep met 'n warmbad ontspan en die branders teen die rotse sien breek of die berge aanskou. Die huis is net 5 minute se stap van Jock's Bay en 4 km van Bettysbaai se strand af.

Hierdie huis het 'n omsetter wat die TV, DStv en WiFi tydens beurtkrag aan kan hou. Die stoof en geiser maak van gas gebruik.

Die huis bied slaapplek aan 8 gaste in 4 slaapkamers en spog met 'n see-uitsig vanuit die meeste van die kamers. Die hoofslaapkamer het 'n koningingrootte-bed en 'n en suite-badkamer met 'n stort, wasbak en 'n toilet. Die tweede slaapkamer het 'n koningingrootte-bed, die derde slaapkamer 'n dubbelbed en die vierde slaapkamer het 2 enkelbeddens. Gaste in die 3 slaapkamers maak van 'n gedeelde badkamer met 'n stort, aparte toilet en 'n wasbak gebruik.

Die sitarea het gemaklike sitplek, 'n TV met die volle DStv-pakket en die eetarea het 'n etenstafel met 8 stoele. Die oopplan-kombuis is met 'n yskas-vrieskas, stoof, oond, basiese eetgerei en breekware, asook tee- en koffiemaakgeriewe toegerus. Daar is 'n kaggel sodat gaste die koue wintersnagte kan geniet.

Daar is braaigeriewe op die stoep en gaste kan 'n see-uitsig van hier af geniet. Die eiendom het 'n steil oprit met 'n dubbelmotorhuis vir 2 voertuie en 'n motorafdak vir 1 voertuig. Gratis WiFi is beskikbaar deur die huis.

Jock's View is stapafstand van veilige swemstrande af waar gaste kan seil, op kano's kan vaar en branderplank kan ry. Dit is ook naby die Harold Porter Botaniese Tuin, restaurante, koffiewinkels en winkelsentrums.

Kry ’n Kwotasie