Baie lekker gebly naby see. Ons het die verblyf by Jollie Patrollie baie geniet, die huis het alles wat jy nodig het en baie netjies. Jannie het ons tuis laat voel met al die inligting. Sal beslis weer gaan.

Perfekte wegbreek plekkie vir gesinne met klein kinders - goeie ligging & veilig. Ons het heerlik gebly en gekuier by Jollie Patrollie en sal vir seker weer wil kom kuier. Dit is wraggies 'n oulike plekkie en perfek geleë - naby aan alles maar uit die besige gedeelte van Hartenbos. Ons het oral gestap. Dit is baie veilig en die huisie het alles (en nog meer) wat jy nodig het. Dit is baie kinder-vriendelik met genoeg plastiek eetgerei. Ons kinders (7j, 5j en 3j oud) het dit baie geniet, fiets gery en selfs nuwe maats gemaak. Die eienaars is baie behulpsaam en het enige navrae vinnig beantwoord. Tot ons volgende kuier!

Die verblyf was perfek. Baie netjies, gerieflik en uitstekende ligging.

Heerlik! Ligging was fantasties. En daar was alles wat mens benodig in die huisie.

Fantasties! Was heerlik! Absoluut waarde vir geld. Ons het dit baie geniet om daar te bly.

Bai lekker blyplak. Nostalgiese vakansiehuis. Lekker naby alles.

Pragtige plek. Lekker lock-up-and-go. Baie naby aan die see en pretpark. Ons het ongelooflik lekker gebly. Die eienaars en ontvangs was baie goed. Die plekkie is perfek geleë.

Dit is baie lekker naby aan die wandelroete. So baie veilig vir kinders. Ons het baie lekker gebly. 'n Mens kan sien dit is 'n familie met kleinkinders wat daar vakansie hou. Heerlik om genoeg plastiek eetgerei vir kinders te kon hê! Die huisie is baie lekker toegerus vir kragonderbreukings, baie dankie!

Uitstekend, lieflik. Wonderilke blyplek, ligging en stoep met braai uitsonderlik.

Pragtig skoon, netjies, gerieflik en naby alles. My skoonsus en ek is in ons 70's, maar hou van rondrits en nuwe plekke ontdek. So Jollie Patrollie was perfek vir ons "Girls Roadtrip" doel. Dit was ons basis, terwyl ons die dorpies om Hartenbos gaan verken het; asook al die besienswaardighede van Mosselbaai ens. Die strandhuis het 'n heerlike kuierstoep met ingeboude braai, asook see uitsig. Lekker ruim vertrekke; toegerus met absoluut alles wat mens nodig het vir 'n lekker see-vakansie. Die beddens slaap lekker en die stort se drukking het ons in vervoering gehad.