Beskrywing

Jonquil Luxury Guest Cottage is in 'n pragtige ou tuin weggesteek in die hartjie van Franschhoek. Dit is perfek geleë stapafstand vanaf die middedorp waar jy die top-restaurante en winkeltjies waarvoor Franschhoek so bekend is, kan besoek.

Jonquil bied luukse gerief in moderne styl met lugversorging in al die kamers, 'n platskerm-TV met DStv en 'n DVD-speler, 'n skottelgoedwasser en wasgoedgeriewe. Die kothuis front noord om lekker baie sonlig deur die Franse deure en vensters te laat en 'n lugtige, ligte atmosfeer te skep. Daar is 'n hoofslaapkamer met 'n en suite-badkamer op die boonste vloer sowel as 'n balkon wat oor die tuin uitkyk. Die tweede slaapkamer op die onderste vloer het 'n en suite-stort. Die ten volle toegeruste kombuis is oopplan met die eetkamer wat weer op sy beurt toegang bied tot die skaduryke terras in die tuin, so ook die sitkamerarea.

Die skoon, wit linne en handdoeke is van uitstaande gehalte. 'n Wasgoeddiens is op versoek beskikbaar. Koffie- en teemaakgeriewe sowel as vrugte sal met aankoms voorsien word. Daar is veilige parkeerplek van die straat af, 'n alarmstelsel en 'n kluis is ook beskikbaar.