Joosteswerwe Guest Farm

Selfsorg

Kapasiteit: 14 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Kokerskolk Plaas, Carnarvon, 8925, Noord-Kaap
Vanaf R1 150 per nag, vir 2 mense

Beskrywing

Joosteswerwe Guest Farm is 'n werkende plaas in die Groot Karoo op die R384 tussen Carnarvon en Vosburg. Ons streef daarna om dié tipe plaas-ervaring te bied wat besoekers herinner aan hulle kinderdae op die plaas. Vroeër jare het dié opstal gedien as 'n halfweghuis vir reisigers wat op pad was na die dorp toe.

Ons bied luukse verblyf in ons plaashuis wat destyds 'n tuiste gebied het vir 3 generasies skaapboere. Die huis bied slaapplek vir 8 tot 10 persone in 4 slaapkamers en 'n stoepkamer. Die 2 groot stoepe is absoluut fantasties en bied 'n luisterryke uitsig oor die skape en die springbokke wat wei en drink. In die winter sal die kaggel en die ondervloerse verhitting jou warm hou.

Ons nuutste byvoeging is die Ou Wa-suite wat uit egte Karoo-klip gebou is en gerestoureer is tot sy oorspronklike vorm met 2 verdiepings. Dié suite is perfek vir 'n gesin van 4 wat wil wegbreek. Dit bied 'n pragtige uitsig oor die Karoo-landskap en het 'n klipstoep met 'n braaiplek.

En in die somer koel gaste gewoonlik af in die plaasdam wat omskep is in 'n swembad, en staan laatmiddag verstom voor die asemrowende sonsondergange. Een van die dienste wat ons bied is 'n laatmiddag-rit - gaste is mal oor die krioelende sterrehemel op pad terug. Dan is daar ook nog legio plaaspaaie vir lang wandelinge en bergfietsritte. Sluit gerus aan by die oggend-uitstappie na die ongelooflike rotstekeninge!

Sit gerus en nuttig 'n drankie as jy uitgeput is van al die uitstappies - of gaan soek nog onontdekte rotstekeninge. Jy is ook welkom om aan te sluit by die boer om te kyk hoe hy sy dagtake verrig. Perde word gebruik om die werk te verrig en jy kan ook kyk hoe die bokke weeslammertjies soog.

Hier by Joosteswerwe bly ook 3 ervare pensteekruiters. As jy graag meer wil leer oor hierdie sierlike perderuitersport, sal hulle jou graag touwys maak.

Kry ’n Kwotasie