JSA Studio

Selfsorg

Gratis kansellasie tot 1 week voor jou verblyf!
Kapasiteit: 3 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Glen-rylaan 39, Verwoerdpark, Alberton, 1449, Gauteng
Vanaf R700 per nag (plek vir 3)

Beskrywing

JSA Studio is 'n bekoorlike selfsorgwoonstel in Verwoerdpark, op dieselfde perseel waar die eienaars woon, met sy aparte ingang. Die woonstel se ligging is ideaal vir diegene wat by Alberton Netcare Hospitaal moet wees en is naby groot hoofweë, wat maklike toegang bied. Boonop is dit net 20 minute van OR Tambo Internasionale Lughawe af.

Dié ateljeewoonstel het slaapplek vir 2 volwassenes en 1 kind en is smaakvol gemeubileer met 'n koninggrootte-bed, en 'n slaapbank vir 'n kind, met oorgenoeg kasspasie. Die badkamer is toegerus met 'n stort-oor-bad, wasbak en toilet. Linne en handdoeke word voorsien.

Die oopplan-kombuis is toegerus met 'n yskas-vrieskas, stoof, oond, mikrogolf, basiese eetgerei, breekware en tee- en koffiemaakgeriewe, en beskik oor 'n 2-sitplek-ontbythoekie. Dit strek tot by die sitkamer wat met gemaklike rusbanke en 'n TV met toegang tot 'n volledige verskeidenheid DStv-kanale ingerig is. Gaste het toegang tot gratis WiFi.

Die woonstel maak oop na 'n klein buite-gedeelte met buitesitplek en 'n braai-area.

Gaste kry veilige parkeerplek op die perseel, geslote motorafdak, agter 'n afstandbeheerde hek.

Kry ’n Kwotasie