Julina's Apartment 9

Beskrywing

Julina's Apartment 9 is 'n gerieflike en bekostigbare selfsorgwoonstel in Parow-Noord, lekker naby Plattekloof en Panorama, die N1, Montague Gardens, Parow Industrieel, Tygerberg Industrieel, Pepsico, TFG-kantoorpark en Bellville, en net 15 minute se ry vanaf Kaapstad Internasionale Lughawe. Die woonstel veilige parkeerplek en braaigeriewe.

Die woonstel op die eerste verdieping bied slaapplek aan 3 gaste en beskik oor 'n slaapkamer, badkamer en 'n oopplan-kombuis en -leefarea. Die slaapkamer het 'n koninggrootte-bed en 1 enkelbed wat ook in 3 enkelbeddens omskep kan word en die badkamer het 'n bad, stort, toilet en 'n wasbak.

Die kombuis is met 'n stoof, oond, yskas, mikrogolfoond, eetgerei en breekware toegerus. Die eetarea het sitplek vir 4 gaste en die sitkamer het 'n gemaklike rusbank en 'n platskerm-TV met die volledige DStv-pakket en Netflix. Gratis WiFi is beskikbaar. Daar is ook veilige parkeerplek met 'n afstandbeheerde hek.