Jus Limin

Gastehuis

Soos Gesien op Instagram
Kapasiteit: 6 persone
Geen kinders onder 10
Inkloktyd: 14:00 tot 20:00
Uitkloktyd: 11:00
Adres: Wichts-straat 4, Montagu, 6270, Wes-Kaap
Vanaf R2 100 per nag (plek vir 2)

Beskrywing

Jus Limin bied 'n rustige vakansie in die hartjie van Montagu. Die mense van die Karibiese Eilande, wat vir ure kan niks doen en in die sonnetjie lê en bak, is bobaas-ontspanners en is bekend vir die kuns van "Jus Limin". Dis presies die salige leefstyl wat gaste by dié luukse eenhede kan kom ervaar. Die eenhede is ontwerp sodat gaste heerlik kan ontspan, rustig tyd saam kan deurbring en net hul batterye kan herlaai in absolute gemak en saligheid.

Verblyf word in 3 pragtige en luukse suites gebied wat vir privaatheid en gemak ontwerp is. Elke suite het sy eie privaat ingang en 'n slaapkamer met 'n koninggrootte-bed wat met weelderige beddegoed opgemaak is. Elke suite het ook 'n moderne badkamer met swart en wit afwerkings. Elkeen van die suites het ook sy eie konservatorium met 'n rietdak in 'n Klein-Karoo styl, plafonwaaiers, gemaklike sitplek en panoramiese uitsigte oor die olyfboord en op die omliggende berge. Elke suite het ook 'n Nespresso-koffiemasjien, komplimentêre tee- en koffiemaakgeriewe, 'n yskassie met gebottelde water, wyn en bier, elektriese komberse vir die winter en gratis WiFi. Parkeerplek is beskikbaar op die perseel.

Gaste kan hier rus en vrede ervaar met tuine wat manjifieke berguitsigte bied. Oorkant die straat is die bekende Die Kloof Padstal en Blue Vines waar gaste heerlike maaltye kan geniet, padstal-lekkernye kan koop en kan gaan wynproe.

Kry ’n Kwotasie