Jutter Cottage

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Langezandt Fishermans Village, Struisbaai, 7285, Wes-Kaap
Vanaf R2 124 per nag (plek vir 6)

Beskrywing

Jutter Cottage is 'n lieflike selfsorghuis in die Langezandt Fishermans Village in die hartjie van Struisbaai. Dit is ideaal vir 'n gesin of 'n groep vriende wat uit die stadsgewoel wil ontsnap.

Dié huis bied slaapplek aan 6 gaste en beskik oor 3 slaapkamers en 3 badkamers. Daar is 2 slaapkamers met 'n dubbelbed en 'n en suite-badkamer met 'n stort. Die derde slaapkamer het 2 enkelbeddens en gaste gebruik die derde badkamer met 'n bad en 'n stort. Een van hierdie slaapkamers is in 'n aparte woonstel op die perseel.

Die oopplan-leefarea beskik oor 'n kombuis met 'n stoof, oond, mikrogolf, yskas-vrieskas, eetgerei en breekware, asook 'n sentrale etenstafel. 'n Wasmasjien is ook beskikbaar. Die sitarea het gemaklike sitplek, 'n kaggel en 'n TV met Netflix, Showmax en DStv.

Buite is 'n lieflike tuin en onderdakstoep met 'n piekniektafel en 'n ingeboude braai wat die perfekte plek is vir gaste om te ontspan en 'n skemerkelkie te geniet. Die huis is naby die strand en hawe.

Kry ’n Kwotasie