Kaalvoet Koppies Oord

Selfsorg

Gratis kansellasie tot 24 uur voor jou verblyf!
Kapasiteit: 20 persone
Alle ouderdomme is welkom
Inkloktyd: 14:00 tot 17:00
Uitkloktyd: 11:00
Adres: Roodekopjes Plaas, Brits, 0250, Noordwes
Vanaf R544 per nag (plek vir 2)

Beskrywing

Kaalvoet Koppies Oord bied 'n Bosveld-ervaring met 'n verskeie voël- en wildspesies. Die plaas is 7 km buite Brits geleë.

Verblyf is beskikbaar in 3 chalets wat elk 'n klerekas, lugversorging en slaapplek vir 2 gaste het. Klipspringer het 1 koninginggrootte bed met 'n jaccuzzi buite. Zebra en Tsessebe is 2 chalets wat teenaan mekaar gebou is. Elkeen het sy eie ingang. Die badkamers het elk 'n stort, wasbak en toilet. Geriewe in die kamer sluit tee- en koffiemaakgeriewe, asook 'n yskas, mikrogolf en induksiekookplaat in. Elke chalet het sy eie braaigeriewe buite.

Daar is ook 10 kampeerplekke met kragpunte. Die karavaanstaanplekke is groot genoeg vir 'n karavaan en 'n klein tent. Gaste maak van gemeenskaplike ablusiegeriewe met 4 toilette, wasbakke en storte gebruik.

Die oopplan-lapa het 'n kombuis, eetkamer en 'n sitkamer. Die kombuis het 'n dubbeldeur-yskas, 'n stoof met 'n oond, ingeboude kaste, breekware, eetgerei, koffie- en teemaakgeriewe en 'n eet- en sitarea. Daar is braaigeriewe en 'n boma. Lapa is apart van chalets en word teen ekstra tarief verhuur per dag. Daar is ook 'n klein Lapa langs die dam.

Die plaas het 'n varswaterdam wat ideaal is vir visvang. Etes is op versoek beskikbaar. Kaalvoet Koppies is die ideale bestemming vir oornagverblyf of net 'n rustige wegbreek. Dis ook geskik vir kontrakteursverblyf.

Kaalvoet Koppies is slegs 30 km vanaf Hartbeespoort met 'n hele rits besienswaardighede.

Kry ’n Kwotasie