Kamberg Valley Hideaway

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Highmoor-straat, Kamberg, Mooirivier, 3300, KwaZulu-Natal
Vanaf R1 400 per nag, vir 2 mense

Beskrywing

Kamberg Valley Hideaway bied 3 selfsorgkothuise en is in die prentjiemooi Drakensberge, net 35 km vanaf Nottingham-pad in die Midlands Meander geleë.

Hierdie kothuis is langs Kamberg Valley Hideaway se hoofhuis, maar het 'n privaat ingang. Die Forest Cottage is apart en heeltemal privaat.

Mountain View Kothuis het 1 slaapkamer met slaapplek vir 2 gaste. Die slaapkamer is ruim en baie gerieflik, en kan oor 2 enkelbeddens of 'n koninggrootte-bed beskik. Elektriese komberse, linne en handdoeke word voorsien. Die badkamer is ook ruim en het 'n groot stort.

Die kombuis is volledig toegerus met 'n oond, stoof, yskas en mikrogolfoond. Daar is 'n oopplan-leefarea met gemaklike sitplek en 'n kaggel. Die leefarea het 'n dubbeldeur wat na 'n privaat patio met braaigeriewe en asemrowende uitsigte op die berge lei.

Sunset Cottage het slaapplek vir 4 gaste in 2 slaapkamers. Albei slaapkamers kan voorberei word met 'n koninggrootte-bed of 2 enkelbeddens. Die hoofslaapkamer het 'n dagbed wat geskik is vir 'n kind. Dit is ook die beste plek om te ontspan met 'n goeie boek. Alle linne en handdoeke word voorsien, asook elektriese kombersies vir die kouer aande.

Dié huis se kombuis is ten volle toegerus met 'n yskas-vrieskas, gasstoof, elektriese oond en 'n mikrogolfoond. Alle eetgerei en breekware word voorsien. Die kombuis is oopplan en lei na die leef- en eetarea. Dié ruim vertrek bied deur skuifdeure toegang tot 'n privaat patio en 'n braai-area met 'n tafel, stoele en 'n Weber-braai. Gaste kan van hier af pragtige uitsigte op die berge geniet. Dan is daar 'n draagbare kaggel wat met hout gestook word en 'n sitstel in die leefarea, asook 'n etenstafel met stoele in die eetarea.

Forest Cottage is 'n drieslaapkamerkothuis wat slaapplek aan 6 volwassenes bied. Die hoofslaapkamer het 'n en suite-badkamer met 'n groot stort. Alle linne en handdoeke word voorsien, asook elektriese komberse vir die winter.

Die kombuis is volledig toegerus met 'n stoof, oond, yskas-vrieskas, skottelgoedwasser en mikrogolf. Die leefarea is oopplan en het 'n lieflike vrystaande houtkaggel en skuifdeure wat na 'n privaat stoep met 'n beskutte braai-area lei. Die uitsigte oorkant die dam en die berg in die agtergrond is asemrowend.

Kry ’n Kwotasie