Beskrywing

Kaneeltjie Woning is 'n knus selfsorghuis in 'n gesogte, stil woonbuurt naby Winelands Orthopedic MediClinic. Dit is 'n wonderlike opsie vir 'n wegbreek na die Boland en die uitnodigende swembad en buitebraai bied boonop heerlike tuisvermaak.

Dié huis bied slaapplek aan 5 gaste en beskik oor 3 slaapkamers en 2 badkamers. Die hoofslaapkamer het 'n koningingrootte-bed en 'n en suite-badkamer met 'n bad. Die tweede slaapkamer het 2 enkelbeddens en die derde slaapkamer het 'n enkelbed. Gaste in hierdie kamers deel die tweede badkamer met 'n bad en 'n stort.

Die ruim leefarea beskik oor 'n kombuis wat met 'n stoof, oond, lugbraaier, mikrogolf, yskas-vrieskas, koffiemasjien, eetgerei en breekware toegerus is. Daar is ook 'n sentrale eiland met stoele. 'n Wasmasjien en skottelgoedwasser is ook beskikbaar. Hierdie huis het 3 sitareas waarvan 2 'n kaggel het en 'n sentrale lugversoger bedien die leefarea.
Vir gaste se vermaak is daar gratis vesel-WiFi en 'n TV met volle DStv beskikbaar.

Buite is 'n onderdakstoep met 'n buite-etenstafel en 'n ingeboude braai wat 'n wonderlike plek is vir gaste om te ontspan en 'n skemerkelkie te geniet. Hierdie stoep lei na die groot swembad wat gaste op warm somersdae kan geniet.

Tydens beurtkrag word hierdie verblyf deur 2 omsetters gerugsteun.
Sekuriteitskameras is bo die voordeur en parkeerplekke geplaas en 'n alarm oorspan elke vertrek.

’n Aangrensende enkelwoonstel aan die agterkant van die huis word permanent bewoon deur ’n stil en bedagsame huurder wie se voertuig soms ook voor die huis geparkeer staan.
Outomatiese sekuriteitsligte kom op strategiese plekke voor.