Kango Gastehuis

Gastehuis

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Eendragt Plaas, Net langs die R318, Montagu, 6720, Wes-Kaap
Vanaf R3 200 per nag, vir 8 mense

Beskrywing

Kango Gastehuis is op 'n plaas geleë, 48 km buite Montagu (ongeveer 1 uur vanaf Robertson), en bied rustige verblyf met pragtige uitsigte op die berge.

Dié ou plaashuis beskik oor 4 slaapkamers en 2 badkamers. Die eerste 2 kamers het 'n dubbelbed, die derde het 2 enkelbeddens en die vierde het 'n stapelbed. Die 2 badkamers beskik elk oor 'n stort. Beddegoed en handdoeke word vir gaste se gerief voorsien.

Die kombuis is toegerus vir selfsorg met 'n oond en stoof, 'n yskas, 'n vrieskas, eetgerei en breekware, asook 'n eettafel. Besoekers kan in die sitkamer, wat ingerig is met 'n TV en 'n binnebraai-area, ontspan. Die huis het 'n sonkamer, wat 'n uitsig oor die vrugtebome en op die berge bied. Let asb. daarop dat geen troeteldiere by Kango Gastehuis toegelaat word nie, omdat daar skape op die plaas is.

Buitebraaigeriewe is beskikbaar. Hout word op die plaas verkoop.

Jy kan jou fiets saambring en lekker rondry of selfs net stap op die plaas of in die berge.

Kry ’n Kwotasie