Karibu River Retreat

Selfsorg

Kapasiteit: 28 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Deel J63, Toitskraal, Marble Hall, 0450, Limpopo
Vanaf R950 per nag (plek vir 2)

Beskrywing

Karibu River Retreat en Game Lodge is in 'n stukkie bosveldparadys weerskante van die Elandsrivier, 18 km vanaf Marble Hall. Dit bied gerieflike verblyf aan sakereisigers, kontrakteurs, vakansiegangers en oornaggaste. Karibu River Retreat is ook slegs 15 km vanaf Siyabuswa waar die satelietkampus van die Universiteit van Mpumalanga is.

Die River Retreat aan die een kant van die rivier bied slaapplek vir tot 18 gaste in 5 eenhede wat smaakvol versier is. Al die eenhede beskik oor ’n privaat badkamer, satelliet platskerm-TV, yskassie, mikrogolfoond, tee- en koffiemaakgeriewe, toiletware, 'n haardroër en plafonwaaier. Daar is ook 'n sakpas-tweeslaapkamereenheid wat 'n badkamer deel en het 'n ruim oopplan-kombuis en -leefarea. Die River Retreat kan ook as 'n geheel bespreek word vir gaste wat 'n privaat funksie saam met familie of vriende wil geniet.

Die swembad, boma, lapa en binnebraaigeriewe is beskikbaar vir gaste se gebruik. Gaste kan ook hul eie vleis by die kampvuur braai.

Karibu River Retreat het WiFi en 'n omsetter vir tydens beurtkrag.

Aan die oorkant van die Elandsrivier, kan gaste op die wildsplaas in 4 selfsorg-chalets bly wat geposisioneer is om die watergat te sien waar diere kom drink. Elke chalet het 'n goed toegeruste kombuis met ’n yskas, mikrogolfoond, gasstoof en die nodige kombuisware, privaat braaigeriewe en 'n heerlike patio. Die chalets het ook plafonwaaiers en gasgeisers. Hiér is nie tans WiFi of 'n rugsteunkragstelsel nie. Die omsetter voorsien slegs krag aan die boorgat en drukpomp vir watertoevoer.

Gaste kan gaan stap, bergfietsry of met hul eie voertuie wildkyk. Daar is meer as 50 voëlspesies op die plaas en 3 damme vir visvang.

Kry ’n Kwotasie