Beskrywing

KarooRus Family Chalet is 'n privaat tuinkothuis in Graaff-Reinet, 'n bekoorlike klein dorpie in die Karoo met oulike winkels, restaurante en museums wat gaste kan besoek.

Die kothuis het 1 slaapkamer met 'n koningingrootte-bed en 'n sitarea met slaapbanke wat as 2 enkelbeddens gebruik kan word. Let asseblief daarop dat toegang tot die badkamer deur die hoofslaapkamer is.

Die eenheid het lugversorging, 'n kombuisie met 'n tweeplaatstoof, 'n yskas, 'n mikrogolf, 'n ketel en broodrooster, potte, panne en eetgerei. Die oopplan-leefarea het gemaklike rusbanke, 'n eetkamertafel met stoele en 'n TV met sekere DStv-kanale. Buite is daar braaigeriewe en 'n speelarea vir kinders.

Die dorp self is omring deur 'n natuurreservaat wat tot die rustige atmosfeer en vrede bydra wat mens hier kan ervaar.