Katberg Gordonsbaai

Selfsorg

Gratis kansellasie tot 24 uur voor jou verblyf!
Kapasiteit: 7 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Bergstraat 29, Gordonsbaai, Kaapstad, 7140, Wes-Kaap
Vanaf R1 800 per nag (plek vir 7)

Beskrywing

Katberg is in Gordonsbaai geleë, 3 blokke van die see af en is naby verskeie winkels, restaurante, die strand, doendinge en besienswaardighede.

Die tarief sal aangepas word vir meer as 6 gaste en 'n afslag sal vir minder as 6 gaste gebied word.

Dié huis het 2 privaat slaapkamers en is geskik vir 6 volwassenes met kinders. Die hoofslaapkamer het 'n luukse koningingrootte-bed en die ander kamer het ook 'n luukse koningingrootte-bed en 'n stapelbed. Daar is 'n stapelbed in die derde kamer.

Die badkamer het 'n bad, stort, toilet en wasbak. Daar is ook 'n aparte toilet in die hoofslaapkamer. Waaiers is beskikbaar vir elke kamer in die huis.

Die oopplan-kombuis en -eetarea het 'n oond, stoof, mikrogolfoond en yskas-vrieskas asook tee- en koffiemaakgeriewe, eetgerei en breekware.

Daar is 'n Lava Fires-binnebraai en Weber-braaigeriewe buite. Daar is ook 'n waskamer met 'n wasmasjien en strykgeriewe.

Die Ooskuskombuis bedien vars vis en Katberg is ook naby ander restaurante aan die kus en by die hawe.

Doendinge in Gordonsbaai sluit swem, staproetes, bergklim, visvang en uiteet in. Gaste kan nabygeleë dorpe soos die Strand, Somerset-Wes, Kleinmond, Hermanus en Kaapstad verken. Stellenbosch is naby as gaste die Wynlande wil besoek.

Gratis WiFi en Netflix is beskikbaar en gaste kan hul eie kaart vir DStv saambring. 'n Omskakelaar sal beurtkrag verlig.

Parkeerplek onder 'n skadunet is beskikbaar vir 'n voertuig en 'n boot voor die huis. Die skadunet is 3 m hoog.