Katberg Mountain Resort & Hotel

Hotel

Kapasiteit: 61 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Langs die R351, Katbergpas naby Fort Beaufort, Katberg, 2410, Oos-Kaap
Vanaf R2 100 per nag, vir 2 mense

Beskrywing

Die Katberg Mountain Resort en Hotel is op 'n skouspelagtige landgoed van 400 hektaar hoog teen die Winterberge geleë. Hierdie rustige berg-toevlugsoord kombineer gerieflike verblyf en 'n 18 putjie-kampioenskapgholfbaan. Katberg Mountain Resort and Hotel is 'n bestemming wat op gesinne en buitelug-aktiwiteite fokus, en spog met gesinsaktiwiteite in 'n veilige en pragtige omgewing.

Verblyf word in standaard- en luukse kamers, gesinskamers en 'n wittebroodsuite gebied, elk met 'n privaat en suite-badkamer en koffie- en teemaakgeriewe. Daar is ook 'n drieslaapkamer-selfsorghuis op die gholflandgoed met sy eie kombuisgeriewe en 'n leefarea. Gaste meot asb. hulle eie swemhanddoeke saambring.

Dié oord, aan die voet van die majestueuse Katberge met groot grasperke en tuine, bied uitstekende kort staproetes en langer voetslaanroetes vir avontuurlustiges. Ander sportsoorte en aktiwiteite soos tennis, muurbal, rolbal, gholf, swem, bergfietsry, velddraf en visvang, maak Katberg Mountain Resort 'n gunsteling onder gesinne, groepe en diegene wat van die buitelewe hou. Daar is ook kinder-aktiwiteite, aangewese kinderspeelareas en 'n swembad.

Bykomende geriewe, soos die Poolside Café, die hotelrestaurant en -kroeg, en opsies soos 'n piekniek om saam te vat wanneer gaste visvang of voetslaan, dra alles by tot die pret wat Katberg Mountain Resort and Hotel bied. Gaste kan skemerkelkies op verskillende plekke geniet en die pragtige uitsig bewonder, saam met ander gaste kuier en die bekende gasvryheid van die Oos-Kaap geniet. Koue winters met knus vure in die hotel bied 'n warm en gesellige atmosfeer vir speletjies, ontspanning en plesier.

Kry ’n Kwotasie