Kaya Cabhozi at 306 on Heights Road

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Hoogte-weg 306, Wilderness Heights, Wildernis, 6560, Wes-Kaap
Vanaf R2 200 per nag (plek vir 4)
TGCSA-gradering:

Beskrywing

Kaya Cabhozi at 306 on Heights Road is op 'n 9 hektaar landgoed met asemrowende berg- en see-uitsigte geleë.

Die eenheid het 2 en suite-kamers. Die hoofslaapkamer het ’n koninggrootte-bed, Persiese mat, klerekas en tafel met ’n stoel. Die hoofbadkamer is rolstolvriendelik en het ’n stort, bad, wasbak en die toilet is apart met ’n bidet. Die tweede slaapkamer het 2 driekwartbeddens, ingeboude kas en 2 gemaklike stoele. Die badkamer beskik oor ’n stort, toilet en wasbak. Albei kamers het ekstra komberse en verwarmers, asook skuifdeure wat na ’n houtdek lei. ’n Opvou-bababad en -stoel is beskikbaar op versoek.

Die leefarea het 2 leerbanke, ’n TV met volledige DStv-kanale en ’n DVD-speler. Die eenheid het ook gratis WiFi en ’n groot verskeidenheid boeke en CD's. Die kombuis is toegerus met ’n yskas-vrieskas, mikrogolfoond, stoof, oond en oorgenoeg spasie in die kaste om eetgerei en breekware in te stoor. Daar is ook ’n wasmasjien en tuimeldroër.

Die eenheid het ’n privaat voordeur en dek, wat ’n Trellidor-sekuriteitshek het. Daar is ’n toesluitmotorhuis, privaat tuin asook draagbare braai.

Graslande, tuine en inheemse plantegroei versier die landgoed en daar is dus ook genoeg speelplek vir die jongspan.

Kry ’n Kwotasie