Kayleeway Apartment 10

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Queens-weg 26A, Kayleeway Woonstel 10, Bantrybaai, 8005, Wes-Kaap
Vanaf R2 530 per nag (plek vir 4)

Beskrywing

Kayleeway Apartment 10 bied gerieflike selfsorgverblyf in Bantrybaai in 'n smaakvol versierde tweeslaapkamerwoonstel met slaapplek vir 4 gaste. Die woonstel is in 'n boetiek-woonstelblok wat oor 11 moderne eenhede beskik.

Die woonstel het 2 slaapkamers, 2 badkamers en 'n oopplan-kombuis en -leefarea. Die eerste slaapkamer het 'n koninggrootte-bed en die tweede slaapkamer het 'n koningingrootte-bed. Bad- en stortgeriewe is beskikbaar. Daar is lugversorging met verkoelings- en verhittingsverstellings in die leefarea en in albei slaapkamers. Linne en bad- en strandhanddoeke word voorsien.

Die oopplan-kombuis is met 'n yskas-vrieskas, stoof, oond, mikrogolf en 'n Nespresso-koffiemasjien toegerus en tee, koffie, melk en suiker word met aankoms voorsien. 'n Skottelgoedwasser en wasmasjien-tuimeldroër is ook beskikbaar. Die oopplan-leefarea het 'n etenstafel en stoele en daar is 'n TV met sekere DStv-kanale in die sitarea. Gratis vinnige internet is word ook voorsien.

Die woonstelgebou bied 24 uur-sekuriteit en het geslotekringtelevisie en elektroniese sleutelboksies by die deure. Die woonstel het ook sy eie parkeerplek.

Die woonstelgebou is sentraal geleë op die grens van Seepunt en Bantrybaai, net 300 m van die Seepunt-promenade af. Dit bied maklike toegang tot verskeie top-restaurante, koffiewinkels en geriefswinkels.

Kry ’n Kwotasie