Khangela Private Game Lodge

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: R22/Sodwanabaaipad, Hluhluwe, Durban, 3960, KwaZulu-Natal
Vanaf R3 500 per nag (plek vir 6)

Beskrywing

Khangela Lodge is in die hartjie van Suidelike Maputaland geleë, net 16 km van die dorpie Hluhluwe af op pad na Sodwana. Dit maak deel uit van 'n privaat wildreservaat van 170 hektaar met sy eie sandwoud, doringveld, vleiland en graslande asook 'n oorvloed wild en voëls.

Die lodge het 3 luukse chalets met lugversorging wat versteek is in die bos met hul eie houtdekke wat uitkyk oor die kalm watergat. Elke kothuis beskik oor 'n koninggrootte-bed met gehalteperkallinne. Elke kothuis het ook 'n en suite-badkamer met 'n bad, binne- en buitestort en pragtige uitsigte oor die bosveld. Daar is slaapplek vir 6 volwassenes en 4 kinders onder 12 jaar indien matrasse vir kinders voor aankoms gereël is.

Khangela Lodge is toegerus vir selfsorg en word daagliks skoongemaak. Die hoof-leefarea is apart en het 'n ruim binne-buite-kroeg, gemaklike sitkamer met 'n platskerm-TV en volledige DStv, eetarea met 'n pragtige eetkamertafel met sitplek vir 12 en daar is ook 'n volledig toegeruste kombuis. Die leefarea lei na 'n enorme dek met 'n skitterende swembad met sonstoele en 'n vuurput onder die bome waar jy heerlik aan die einde van elke perfekte dag onder die pragtige sterrehemel kan ontspan.

Die reservaat het net kleinwild so dis ideaal vir rustige wandelinge op jou eie met uitstekende geleenthede vir voëlkyk langs die pad. Daar is verskeie staproetes op die reservaat en as jy hier rondwandel sal jy definitief 'n hele aantal spesies raakloop insluitend kameelperde, wildebeeste, njala's, vlakvarke, rooibokke, sebras, duikers, koedoes en apies.

Indien jy graag op 'n daguitstappie wil gaan, is daar vele interessante doendinge na aan die wildpark, soos Groot 5-wildkyktoere, gholf, olifant-uitstappies, bergfietsroetes, reptielparke en spa-behandelings.

Kry ’n Kwotasie