Khaya Ilahati

Selfsorg

Gratis kansellasie tot 1 week voor jou verblyf!
Kapasiteit: 9 persone
Alle ouderdomme is welkom
Inkloktyd: 14:00 tot 19:00
Uitkloktyd: 09:00
Adres: Impala Street 4249, Marlothpark, Malelane, 1330, Mpumalanga
Vanaf R1 870 per nag (plek vir 9)

Beskrywing

Khaya Ilahati is 'n lieflike selfsorg-vakansiehuis in die hartjie van die bosveld wat in Marloth park geleë is. Dit is ideaal vir 'n rustige wegbreek saam met familie en vriende, want hierdie huis spog met 'n plonspoel.

Dié verblyf bied slaapplek aan 9 gaste en beskik oor 2 slaapkamers, 2 badkamers en 'n ruim solderarea. Elke slaapkamers is op die onderste verdieping en het 'n koningingrootte-bed. Die solderkamer het 'n koninggrootte-bed en 3 enkelbeddens. Elke badkamer het 'n stort, wasbak en 'n toilet. Alle linne en badhanddoeke word voorsien, maar gaste moet hul eie swemhanddoeke saambring.

Die ruim leefarea beskik oor 'n kombuis wat met 'n stoof, oond, mikrogolfoond, yskas-vrieskas, eetgerei, breekware, koffiemasjien en 'n wasmasjien toegerus is. Die kombuis lei na 'n etenstafel en 'n knus sitarea met gemaklike sitplek en 'n platskerm-TV. Gratis WiFi is beskikbaar.

Daar is 'n onderdakstoep met 'n buite-etenstafel en ingeboude braaigeriewe en gaste kan op daardie warm somersdae in die plonspoel afkoel.

Kry ’n Kwotasie