Klein Afrika Wegbreek

Selfsorg

Gratis kansellasie tot 1 week voor jou verblyf!
Kapasiteit: 24 persone
Alle ouderdomme is welkom
Inkloktyd: 13:00 tot 20:00
Uitkloktyd: 10:00
Adres: Buffelsdrif-pad, Oudtshoorn, 6625, Wes-Kaap
Vanaf R800 per nag, vir 2 mense

Beskrywing

Klein Afrika Wegbreek is in die hartjie van die rustige boeregemeenskap van Schoemanshoekvallei, Oudtshoorn geleë en skuil in die voorheuwels van die histories ryk Swartberge.

Die 4 selfsorgkothuise is op 'n kleinhoewe naby Oudtshoorn op pad na die Kangogrotte geleë. Alhoewel die kothuise naby genoeg aan die dorp is vir 'n vinnige besoek, is dit afgesonder genoeg om nie deur die gegons van mense en verkeer gesteur te word nie.

Elke kothuis het slaapplek vir 4 tot 6 mense en beskik oor 2 slaapkamers, 'n badkamer, 'n kombuis, 'n leefarea met 'n kaggel en 'n groot braai-area buite. Die leefarea van elke kothuis is toegerus met 'n lugversorgingseenheid, maar neem asseblief kennis dat daar geen televisiestelle in die kothuise is nie.

Benut die geleentheid om liggaam en siel te verkwik in die rustige omgewing van die Klein Afrika-kothuise, met die strelende roepe van die altyd teenwoordige voëllewe. Klein Afrika Wegbreek het 'n swembad en speelpark vir die kinders om hulself te geniet.

Kry ’n Kwotasie