Beskrywing

Klein Jongens is 'n ruim selfsorgwoonstel op die onderste verdieping van 'n woonhuis in Jongensfontein. Dit is ideaal vir 'n gesin wat op soek is na 'n wegbreek.

Die woonstel bied slaapplek aan 4 volwassenes en 2 kinders en beskik oor 2 slaapkamers en 1 badkamer. Die hoofslaapkamer het 'n koningingrootte-bed en die tweede slaapkamer het 2 enkelbeddens. Daar is ook 'n rusbank in die leefarea wat in 2 enkelbeddens omskep kan word. Die badkamer het net 'n stort. Linne, badhanddoeke en 'n haardroër word voorsien.

Die oopplan-kombuis is met 'n yskas-vrieskas, elektriese stoof, oond, mikrogolfoond, broodrooster, toebehore, breekware, tee- en koffiemaakgeriewe en 'n klein gasstoof toegerus. Die wasarea is voor die motorhuis geleë en sluit 'n wasmasjien en 'n skottelgoedwasser in. 'n Strykyster en -plank is ook beskikbaar.

Die sitarea het gemaklike sitplek en 'n slim-TV. 'n Skuifdeur lei na 'n klein houtdek met 'n piekniekbankie en 'n losstaande braai. Die motorhuis het 'n elektriese deur en bied veilige parkeerplek aan 1 voertuig.

Jongensfontein is net 12 km vanaf Stilbaai en is 'n veilige, rustige vakansiedorpie. Dit beskik oor 2 kafees, 'n restaurant, 'n speelarea, 'n buite-gimnasium en 'n kuswandelpad. Dit is ook baie gewild onder branderplankryers, hengelaars en fietsryers. Klein Jongens is net 200 m vanaf die see en stapafstand vanaf die hoofstrand.