Kleine Venesië

Selfsorg

Kapasiteit: 4 persone
Alle ouderdomme is welkom
Inkloktyd: 15:00 tot 20:00
Uitkloktyd: 10:00
Adres: Waterfront-weg, Tyger Quays 112, Bellville, 7530, Wes-Kaap
Vanaf R1 400 per nag (plek vir 4)

Beskrywing

Kleine Venesië is 'n gemeubileerde selfsorg-eenheid in die gesogte Tyger Waterfront-area binne maklike bereik van die Tygervallei Winkelsentrum. Die eenheid front noord en het 'n onbelemmerde uitsig oor die water en omgewing.

Die eenheid beskik oor 2 slaapkamers en bied slaapplek aan 3 volwassenes en 1 kind op 'n slag. Die hoofslaapkamer het 'n koningingrootte-bed en 'n en suite-badkamer met 'n stort, bad, toilet en wasbak. Die tweede slaapkamer het 'n koninggrootte-bed wat op versoek in 2 enkelbeddens omskep kan word, en 'n en suite-badkamer met 'n stort, toilet en wasbak.

Die oopplan-kombuis is toegerus met geriewe van hoë gehalte, insluitend 'n stoof en oond, yskas-vrieskas, mikrogolf, lugbraaier, broodrooster, koffie- en teemaakgeriewe, 'n Nespresso-koffiemasjien, 'n skottelgoedwasser, wasmasjien, breekware, potte, panne, eetgerei, en 'n wye verskeidenheid kombuistoebehore.

Die sitkamer het 'n groot, platskerm-slim-TV met DStv, onbeperkte internettoegang en twee verwarmers. Dit maak oop op 'n onderdakbalkon wat toegerus is met gemaklike stoepmeubels, en daar is 'n gasbraai beskikbaar. Gas word voorsien.

'n Omskakelaar is beskikbaar wat die TV en rekenaars kan laat loop tydens beurtkrag.

Gaste kry 2 onderdakparkeerplekke in die parkeergarage onder die gebou met 24 uur-sekuriteit en toegangsbeheer.

Die eenheid is naby 'n verskeidenheid restaurante sowel as 'n gimnasium.

Die woonstel bied ideale verblyf vir sakereisigers, gesinne of toeriste.

Kry ’n Kwotasie