Klipdrift Akkommodasie

Selfsorg

Kapasiteit: 28 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Klipdriftplaas, R316, Caledon, 7230, Wes-Kaap
Vanaf R800 per nag (plek vir 2)

Beskrywing

Klipdrift Akkommodasie is op 'n plaas in die hartjie van die Overberg, net 28 km vanaf Caledon. Dis op die oewer van die prentjiemooi Keinrivier met 'n uitsig op die Akkedisberge. Dié groot plaaswerf is die ideale speelplek vir kinders.

Verblyf word in 6 eenhede gebied. Die eerste 2 eenhede het elk 'n dubbelbed en 'n stapelbed en is ideaal vir 'n gesin. Die en suite-badkamer het 'n bad, stort, toilet en 'n wasbak. Die ander 4 eenhede het elk 'n dubbelbed en 'n en suite-badkamer met 'n stort, toilet en 'n wasbak. Elke eenheid het kasruimte en 'n kombuis met 'n tweeplaatstoof, mikrogolf, yskas, koffie- en teemaakgeriewe, breekware en eetgerei. Daar is ook braaigeriewe.

Die Plaashuis bied slaapplek aan 12 gaste in 4 kamers. Kamer 1, 2 en 4 het elk 'n dubbelbed en enkelbed. Kamer 3 het 3 enkelbedddens. Die Plaashuis het ook 3 badkamers. Die kombuis is toegerus met 'n yskas-vrieskas, oond, mikrogolfoond en 'n ketel. Breekware en eetgerei is beskikbaar. Die Plaashuis het 'n ingeboude braai sowel as 'n braaidrom buite vir die heerlike someraande.

Gaste het toegang tot veilige parkeerplek op die perseel.

Doendinge op die plaas sluit stap en voetslaan in. Gaste kan ook hul visstokke bring en lyn in die Kleinrivier natmaak. Die plaas is die ideale basis vir daguitstappies na Hermanus vir walviskyk of vir die avontuurlustiges wat in Gansbaai wil haaihokduik.

Kry ’n Kwotasie