Baie rustig en veilige area. Baie lekker plekkie, waarde vir geld.

Rus en vrede. Was very enjoyable. The place was perfect.

Perfekte ligging, alles wat nodig is, baie vriendelike ontvangs. Heerlike tyd in Klipgooi Woonstel, sal dit beslis aanbeveel.

Goed gelee, bekostigbare basiese verblyf. Lekker gekuier, die verblyf is baie goed gelee.

Familie wegbreek vir langnaweek. Uitstekende ligging, stapafstand van alles af.

Gemaklik, naby alles en 'n lekker blyplek. Klipgooi was fantasties, die ligging is uitstekend en in die besige seisoen is jy loopafstand van alles. Ons motor het maar min gewerk in die 10 dae. Die woonstel is gerieflik met 2 slaapkamers en 2 badkamers, en die kombuis is gemaklik. Dit is baie netjies en skoon, en die strand is 'n paar honderd meter van die woonstel af.

Sal beslis weer by Klipgooi Woonstel gaan kuier. Gemaklike en veilige verblyf loop afstand van die ATKV Oord en strand. Alles wat nodig is, was beskikbaar en baie skoon en netjies.

Heerlik gebly, gerieflik, veilig, privaat en in ’n stil woonbuurt naby alles. Ek en my suster het verblyf gesoek met 2 slaapkamers, maar tog bekostigbaar. TV, WiFi en internet was nie vereistes nie, want dit jaag die kostes van verblyf net op wat ons betref. En dis net mooi wat ons gekry het teen 'n heel billike tarief. Klipgooi Woonstel is baie gerieflik geleë en die see, ATKV Hartenbos, winkels, eetplekke en die waterfront by die ATKV is gerieflik naby en binne stapafstand. Ons voertuig kon langs die woonstel onder 'n boom staan, nou wel nie agter 'n toesluithek soos by die meeste plekke in Suid-Afrika nie, maar die omgewing is baie veilig en ons was heeltemal gemaklik daarmee. 'n Mens kan nog daar rustig in die strate loop sonder om enigsins bedreig te voel. Die woonstel is toegerus met al die nodige en 'n pluspunt is beslis die tweede toilet en stort, benewens die hoofslaapkamer s'n. Ons het 'n heerlike twee nagte daar deurgebring en kan dit vir seker aanbeveel vir enigiemand wat nie begaan is oor TV en WiFi nie - soos ons! Daar is lekker tafels om speletjies op te speel i.p.v. om TV te kyk of op die selfoon rond te kuier, en natuurlik die lieflike see, oop strand en ATKV-wandelpaadjie langs die see om te geniet! Vir diegene wat wil braai, is daar 'n losstaande braaier beskikbaar. Opsommend: Ons sal enige tyd weer daar gaan bly as die geleentheid hom voordoen!

Rustige, netjiese en alles-in-een plekkie. Rustige omgewing, baie oulike plekkie, met alles wat mens nodig het. Baie dankie.

Heerlik ontspan. Baie dankie aan Jeanette wat ons so vriendelik ontvang het. Ons het heerkik gebly en baie dankie ook dat jy in kontak gebly het al was jy self op vakansie weg. Dit wys net weer dat jy omgee vir jou gaste. Ek hoop om binnekort weer te kom kuier by jul. Nogmaals dankie vir netjiese, skoon en gemaklike verblyf.