Skoon. Rustig. Jou privaatheid word gerespekteer. Alles was perfek. Geen negatiewe kommentaar.

Absoluut fantastiese plek vir 'n heerlike wegbreek. Ons het so lekker gebly. Die plekkie is baie gesellig en het absoluut alles wat mens sal nodig kry, en selfs nog meer. Oom Marais en Tannie se gasvryheid is uit die boonste rakke! Die area is pragtig en perfek vir enigiemand wat in die natuur wil kom ontsnap. En dan natuurlik is die warm bad absoluut tops! Baie dankie.

Beautiful mountain getaway. Beautiful scenery, and amazing hikes. Super friendly and professional service. Absolutely loved our stay here.

Heerlik gekamp, wens ons was nog steeds daar. Kamp op lekker groen gras, luister oggende hoe die padda's naby die fontein skinder, hoor hoe die verskillende voëls mekaar roep en verwag 'n uil wat aande bietjie kom inloer. Wat 'n rustige paar dae wat ons gehad het, net wat nodig was om die siel weer op te helder en die kop weer skoon te maak. Badkamers was ruim en skoon en die stort heerlik warm. Gasvrou Mara het ons vriendelik verwelkom en ons het sommer dadelik tuis gevoel. Julle sal ons weer sien.

Desember wegbreek. Baie vriendelike gashere, verblyf is skoon en netjies. Ons het die wegbreek op hierdie pragtige plaas geniet, dankie aan die Le Roux familie.

Ek en my man het slegs 1 nag oorgeslaap. Alles was baie skoon, netjies en goed toegerus. Die eienaar was baie behulpsaam en ons is vriendelik ontvang. Ons kon ’n vleisie braai met die hout wat sy ons goedgunstiglik gegee het. Die beskuit, melk. jogurtjies en en graankos in die kamer was ook 'n heerlike bonus. Ons het met die padjie agter die stal-kamers oor die kop geloop en die uitsig van daar oor die vallei bewonder, asook 'n entjie tussen die wingerde in die pad afgestap. Ons sou graag weer hiernatoe kom en sal ook die wandelpad na die dam in die berg wou stap.