Klipkoppie Cottage

Selfsorg

Gratis kansellasie tot 1 week voor jou verblyf!
Kapasiteit: 6 persone
Alle ouderdomme is welkom
Inkloktyd: 15:00 tot 20:00
Uitkloktyd: 10:00
Adres: Smartstraat 16, Nelspruit, 1200, Mpumalanga
Vanaf R1 100 per nag, vir 2 mense

Beskrywing

Klipkoppie Cottage word deur die eienaar bestuur en is 'n gastehuis in 'n stil woonbuurt in Mbombela (Nelspruit), die hoofstad van Mpumalanga. Gerieflik verblyf word aangebied en dit is die ideale basis vir sakereisigers en gesinne wat die Laeveld wil ontdek. Die gashere is 'n gesin van 4 wat langsaan op die perseel met 3 honde woon.

Verblyf is beskikbaar in 3 eenhede. Elke eenheid het 'n slim-TV met Netflix en gratis WiFi is beskikbaar.

Loerie is 'n luukse koningkamer met lugversorging en 'n en suite-badkamer, asook 'n kombuisie met 'n mikrogolf, lugbraaier, konveksieplaat en yskassie. Daar is 'n enkelslaapbank vir 'n kind. Suikerbekkie is 'n eenheid met 2 enkelbeddens, lugversorging, badkamer, leefarea, kombuis, stoep en braai-area. 'n Stapelbed is in die leefarea beskikbaar. Janfrederik is 'n luukse eenheid met lugversorging en 'n koninggrootte-bed. Dit het 'n stort en kombuisie met 'n mikrogolf, lugbraaier, konveksieplaat en yskassie.

Gaste het toegang tot 'n privaat tuin met baie voëls en 'n groot swembad.

Die gastehuis is naby Van Riebeeck Park-sportgeriewe met 'n tennisbaan en swembad. Busamed Lowveld Privaat Hospitaal en Mbombela (Nelspruit) Mediclinic is ook om die draai.

Kry ’n Kwotasie