Knusrus

Selfsorg

Soos Gesien op Facebook
Kapasiteit: 12 persone
8 volwassenes, 4 kinders
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Daytona-straat 20, Jongensfontein, Stilbaai, 6675, Wes-Kaap
Vanaf R3 600 per nag (plek vir 12)

Beskrywing

Knusrus is 'n luukse selfsorg-dubbelverdiepinghuis in Jongensfontein en het 'n pragtige see-uitsig vanaf die balkon. Die seefront het 'n voetpad wat slegs 100 m van die verblyf af is, asook 'n bankie elke 100 m met die paadjie af waar gaste kan sit en die uitsig geniet.

Die huis is ideaal vir 'n gesin of groep vriende en bied verblyf aan 8 volwassenes en 4 kinders. Dit beskik oor 4 slaapkamers, 3 badkamers, 'n gastetoilet, 2 sitareas, 'n moderne kombuis, opwaskamer en 'n kuierarea op die boonste verdieping.

Die eerste slaapkamer het 'n koninggrootte-bed, 'n sitarea met 'n kaggel en 'n en suite-badkamer met 'n bad en 'n stort, 'n toilet en dubbelwasbak. Die tweede slaapkamer het 'n koningingrootte-bed en 'n en suite-badkamer met 'n toilet en wasbak. Die derde slaapkamer het 'n koninggrootte-bed en die vierde slaapkamer het 2 stapelbeddens, ideaal vir 4 kinders. In die sitarea op die onderste verdieping is 'n dubbelslaapbank waar 2 ekstra gaste kan slaap. Die derde badkamer het 'n toilet, wasbak en stort.

Die sitarea op die onderste verdieping het 'n slim-TV met Netflix, Showmax en YouTube. Gratis WiFi is regdeur die huis beskikbaar.

Die kombuis is met 'n stoof, oond, mikrogolfoond, broodrooster, yskas-vrieskas en tee- en koffiemaakgeriewe toegerus en daar is 'n aparte opwaskamer. In die eetarea is 'n etenstafel wat in 'n pooltafel omskep kan word. Die sitarea op die boonste verdieping het gemaklike sitplek, 'n kaggel, 'n ingeboude gasbraai en 'n braaipan. Stapeldeure lei na die balkon.

Die huis het 'n buitestort en kampstoele en strandsambrele word voorsien. Twee fietse is beskikbaar en daar is 'n dubbelmotorhuis en genoeg veilige parkeerplek agter 'n hek. Troeteldiere is welkom in die motorhuis en omheinde buite-area, indien dit vooraf gereël word.

Kry ’n Kwotasie