Beskrywing

Knysna Holiday Armadillo is 'n bekoorlike woonstel op die bekende Tuinroete en bied gerieflike verblyf aan familie, vriende of sakereisigers. Dit is ideaal vir gaste wat 'n vinnige wegbreek of oornag wil hê.

Dié oopplan-selfsorg-eenheid het slaapplek vir 2 volwassenes en 2 kinders en beskik oor 1 slaapkamer wat met 'n koningingrootte-bed ingerig is. Die badkamer is ingerig met 'n stort, wasbak en toilet. Alle linne en handdoeke word voorsien.

Die kombuisie is toegerus met 'n yskassie, mikrogolf, basiese eetgerei, breekware en tee- en koffiemaakgeriewe. Die sitkamer het gemaklike rusbanke en 'n slaapbank met slaapplek vir 2 kinders. Die eenheid het 'n TV en toegang tot gratis WiFi.

Hierdie eiendom is stapafstand vanaf die Privaat Hospitaal in Knysna en net 5 min vanaf Knysna Heads en Leisure Island.