Knysna River View

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Phantompas-weg, Phantom River View-landgoed 21, Knysna, 6570, Wes-Kaap
Vanaf R5 000 per nag, vir 8 mense

Beskrywing

Knysna River View bied ruim selfsorgverblyf oor 2 verdiepings met 'n uitsig oor Knysna. Dit bied pragtige uitsigte oor die Knysna-rivier, strandmeer en die Knysna-koppe in die agtergrond. Dit beskik oor 4 slaapkamers en 3 badkamers. Een van hirdie laapkamers en badkamers is in 'n selfonderhoudende woonstel.

Hierdie rustige huis is op die Phantom-pas in 'n ekolandgoed ongeveer 15 km vanaf Knysna. Die meeste kamers en die groot dekke spog met 'n uitsig oor die vallei, rivier en strandmeer. Die ligging is ideaal as 'n basis vanwaar hierdie deel van die Tuinroete verken kan word.

Die grondverdieping het 'n slaapkamer met 'n koninggrootte-bed en 'n en suite-badkamer, asook nog 2 slaapkamers en 'n badkamer. Daar is 'n groot leef-, eet- en kombuisarea en die kombuis is met 'n gasstoof, oond, skottelgoedwasser, wasmasjien, eetgerei en breekware toegerus.

Die woonstel op die onderste verdieping het 'n ingang op die grondverdieping, 'n groot slaapkamer, badkamer, kombuisie en 'n leef- en eetarea. Al die kamers lei na die uitkykdek.

Gratis WiFi en 'n omsetter is beskikbaar. Die verblyf word dus nie deur beurtkrag geraak nie. Daar is ook 'n verhitte plonspoel.

Daar is braaigeriewe in die tuin en 'n gasbraai op die dek.

Brenton-strand is 12 minute se ry vanaf die verblyf en Buffelsbaai is 15 minute se ry. Knysna is sowat 15 minute se ry ver.

Kry ’n Kwotasie