Komorebi

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Jack Powel-weg 2, La Pirogue 17, Ballito, 4399, KwaZulu-Natal
Vanaf R2 910 per nag (plek vir 6)

Beskrywing

Komorebi is 'n gerieflike selfsorgwoonstel op die grondvloer in die veilige La Pirogue-kompleks in Ballito. Dit is net 100 m van die strand af en stapafstand van die supermark en gewilde Mozambican Restaurant.

Die woonstel het lugversorging en bied slaapplek vir 'n maksimum van 6 mense in 3 slaapkamers, 2 badkamers en 'n oopplan-kombuis, -eetkamer en -leefarea. Die ruim hoofslaapkamer het 'n koningingrootte-bed, TV, spieëltafel en 'n volledige en suite-badkamer met 'n bad en stort. Die tweede kamer het 2 enkelbeddens. Die derde kamer is ingerig met 'n koningingrootte-bed, enkelbed en TV, en die laasgenoemde 2 kamers deel 'n tweede volledige badkamer met 'n bad en stort. Alle linne en badhanddoeke word voorsien.

Die moderne kombuis is volledig toegerus met 'n mikrogolfoond, yskas-vrieskas, stoof en oond en ontbyttoonbank met stoele. Die sitkamer is ingerig met 'n platskerm-TV (50") met DStv Premium en onbeperkte WiFi. Die leefarea maak oop op 'n privaat stoep met buitemeubels en 'n braai.

'n Veilige parkeerplek met afstandbeheerde toegang is beskikbaar. Die La Pirogue-kompleks het ook 'n gemeenskaplike swembad.

'n Skoonmaakdiens is teen 'n ekstra fooi beskikbaar. Dié diens sluit die was van vloere, was van skottelgoed, die skoonmaak van die braai en die opmaak van beddens in. Die skoonmaakdiens is duurder op 'n Sondag en openbare vakansiedae. Skoonmaakdienste moet vooraf gereël wanneer gaste die bespreking maak.

Kry ’n Kwotasie