Kraaines

Beskrywing

Kraaines is 'n moderne selfsorgstrandhuis met slaapplek vir 8 gaste net 500 m vanaf die strand in Boggomsbaai.

Die ruim huis bied slaapplek aan 4 volwassenes en 4 kinders en dis ideaal vir 2 gesinne. Dit beskik oor 3 slaapkamers, 2 badkamers en 'n oopplan-kombuis en -leefarea. Twee van die slaapkamers het koningingrootte-beddens en die derde slaapkamer het 2 stapelbeddens vir kinders. Een van die badkamers het 'n bad en 'n toilet en die tweede badkamer het 'n stort en 'n toilet. 'n Buitestort is beskikbaar en linne en badhanddoeke word voorsien. Gaste moet asb. hul eie swemhanddoeke saambring.

Die oopplan-kombuis is met 'n stoof, oond, mikrogolfoond, yskas, eetgerei, breekware, potte, panne, 'n skottelgoedwasser en tee- en koffiemaakgeriewe toegerus. Daar is ook 'n etenstafel met sitplek vir 8 gaste.

Gaste kan in die sitarea met 'n knus kaggel ontspan en die huis bied 2 TV's met films vir kinders en volwassenes, 'n verskeidenheid musiek en toegang tot Netflix. DStv is nie beskikbaar nie, maar gaste het toegang tot 50 GB se WiFi.

Die leefarea lei na 'n balkon met 'n lieflike see-uitsig. Buitebraaigeriewe, tafeltennis en 'n veerpyltjiebord is in die dubbelmotorhuis beskikbaar. Vuurmaakhout word nie voorsien nie en gaste moet dit asb. saambring.

Gaste kan die verskeidenheid voëls en wild in die omgewing aanskou, die lieflike strand verken en walviskyk tussen Julie en November. Boggomsbaai is ideaal vir diegene wat op soek is na 'n rustige bestemming sonder straatligte en winkels.