Kruger Willows

Selfsorg

Gratis kansellasie tot 24 uur voor jou verblyf!
Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Swartwitpensweg 2542, Marlothpark, 1321, Mpumalanga
Vanaf R3 400 per nag (plek vir 6)

Beskrywing

Kruger Willows is 'n selfsorghuis in die Marlothpark-bewarea wat aan die Krugerwildtuin grens.

Dié moderne en lugtige vakansiehuis beskik oor 3 slaapkamers en 2 badkamers. Die hoofslaapkamer en tweede slaapkamer het elkeen 'n koningingrootte-bed en die derde slaapkamer het 2 enkelbeddens. Elke bed het 'n muskietnet. Albei slaapkamers het lugversorgers. Beddegoed en handdoeke word voorsien. Die kombuis is goed toegerus met 'n yskas, oond, stoof, mikrogolfoond, skottelgoedwasser, koffiemasjien en ander toebehore.

Die leefarea bied toegang tot die onthaalstoep met 'n plonspoel, braai-area en 'n etenstafel met sitplek. Dit bied ook 'n uitsig oor die omgewing waar daar gereeld diere soos bosbokke, njalas, vlakvarke, sebras, kameelperde en ander wild rondloop.

Die eiendom is ideaal geleë naby verskeie restaurante in die dorp en dis sowat 20 minute se ry vanaf die Krokodilbrughek na die Krugerwildtuin.

Kry ’n Kwotasie