Kruger's Keep

Selfsorg

Soos Gesien op Facebook
Kapasiteit: 2 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Steenboklaan 3553, Marlothpark, 1321, Mpumalanga
Vanaf R2 850 per nag (plek vir 2)

Beskrywing

Kruger's Keep is in Marlothpark en bied 'n luukse wegbreek vir paartjies, waar die diere op die voorstoep kom kuier en die inwonende nagapies gaste saans met hulle manewales vermaak.

Die huis het 'n privaat ligging op 'n pypsteelerf en bied 'n uitsig oor die park. Die oop bosveld moedig die kameelperde, koedoes, wildebeeste, bosbokke, rooibokke, duikers, volstruise, vlakvarke en muishonde aan om te kom kuier.

Die huis is vir 2 gaste geskik en het 'n slaapkamer met 'n koninggrootte-bed en 'n oopplan-kombuis en -leefarea. Die badkamer het 'n dubbelstort, dubbelwasbak en 'n toilet. Gaste kan ook onder die sterre in 'n privaat area onder die inheemse doringboom bad of stort.

Die kombuis is met 'n yskas-vrieskas, gasstoof, elektriese oond, mikrogolfoond, potte, eetgerei, breekware, 'n Nespresso-koffiemasjien, glase en kombuisware toegerus. Die huis het Cemcrete-vloere en -badkamermure, Egiptiese katoenlinne en -badhanddoeke, lugversorging, gratis WiFi, 'n omsetterstelsel vir rugsteun-kragtoevoer en noodwatertoevoer.

Die hout vir die eerste vuur sal met aankoms reeds gepak wees en gaste kan na die klein waterval in die swembad luister terwyl hulle op stoep uitspan en die wild en verskeidenheid voëls bewonder.

'n Emmer vol voerpille om die diere te voer word voorsien en ekstra voer kan plaaslik gekoop word.

Kry ’n Kwotasie