Waarde vir geld. Rustige oornag blyplek as jy hou van die platteland. Lekker met klein kinders, want hulle kon buite speel terwyl ons braai. Ek sal ook aanbeveel indien jy vir 'n naweek wil wegbreek. Die elektriese kombers was 'n bonus vir die koue in die Karoo.

Baie goed. Baie goeie oornagplek en uitstekende gasvryheid van die gasheer. Sal beslis aanbeveel.

Absoluut wonderlik. Met ons aankoms het daar 'n varsgebakte brood, hout gepak in die braaier en boma, 'n nonnetjiesuil wat ons begroet het by die agterdeur en 8 bergskilpaaie in die lusernland wat vir ons gewag het. Opregte hartlikheid is regdeur die ou plaasopstal te bespeur. Baie geluk met julle pragtige en baie huislike selfsorg eenheid.

Alles wat ons nodig gehad het, was daar. Ons het baie lekker gebly.

Rustige en mooi omgewing! Dit is regtig 'n pragtige plek met sy plaashuisgevoel, die skapies en die skilpad wat so saam al om die huis wei. Die stilte met die vuurtjie wat brand onder die sterrehemel, en die heerlike bederf met varsgebakte brood! Dit was hemels!

Baie rustig en goed ontvang. Ek sal Kudu Haven aanbeveel indien mense van 'n rustige plaas atmosfeer hou.

Lekker Karoo-ervaring in pragtige omgewing. Pragtige gasteplaas, heerlikste plaasbrood!

Presies wat ek wou hê. 'n Karoo plaas, plaashuis, rustigheid ver weg van alles. Die eienaars is wonderlike mense. Die huis is perfek. Ons het lekker afgekoel in die plaasswembad. Lekker geslaap sonder om enigsins onveilig te voel. Sal beslis in die toekoms weer daar oornag.

Stil en rustig! Lieflike rustige wegkom plekkie vanaf die besige lewe, ek en my man het dit baie geniet. Die gebakte broodjie wat die gasvrou gelos het was die beste!

Pragtige plaas-omgewing en boere-gasvryheid. Gasvrou het ons bederf met tuisgebakte beskuit en brood, oorgenoeg hout vir die binne kaggel en lekker warm beddens.