Kweekkraal Guest Farm

Selfsorg

Kapasiteit: 34 persone
Alle ouderdomme is welkom
Inkloktyd: 14:00 tot 21:00
Uitkloktyd: 10:00
Adres: Kweekkraal Guest Farm, N2, Riversdale, 6670, Wes-Kaap
Vanaf R950 per nag, vir 2 mense

Beskrywing

Kweekkraal Guest Farm is 8,2 km wes van Riversdal aan die beginpunt van die Tuinroete geleë. Die plaas is in 'n bewarea geleë en die hoofhuis is 'n historiese gebou wat in 1880 gebou is.

Kweekkraal is 'n werkende skaap- en beesplaas. Hawer, lusern, kanola, graan en gars word ook hier verbou.
Ons bied verblyf in 9 eenhede wat onlangs as 'n liefdestaak deur die eienaars, Pieter en Sandra van Wyk, opgeknap en toegerus is. Daar is vyf tweeslaapkamer-kothuise met 'n uitsig oor die dam, bloekombome en die graanlande. Elke kothuis beskik oor 2 slaapkamers - een met 'n slaapkamer en een met 2 enkelbeddens -, 'n badkamer met 'n stort, 'n volledig toegeruste kombuis, 'n sitarea, eetarea en 'n stoep met braaigeriewe.

Drie van die eenslaapkamerkothuise is rondom die swembad en braaiplek gerangskik. Een kothuis het 'n dubbelbed en die ander twee het 2 enkelbeddens elk. Al 3 het volledig toegeruste kombuise en 'n en suite-badkamer met 'n stort (geen baddens).

Daar is ook 'n ongekunstelde klipkothuis met slaapplek vir 8 persone waar jou siel en sintuie kan herstel. Dié kothuis se ligte werk met sonkrag, water word deur middel van 'n gas-verhittingsisteem verhit, en gaste kan op gas of op die vuur kosmaak. Twee van die slaapkamers het dubbelbeddens en die ander twee het elkeen 2 enkelbeddens. Daar is 1 badkamer met 'n stort (geen bad) wat gedeel word deur al die kamers. Die volledig toegeruste oopplan-sitkamer/-kombuis spog met 'n groot binnenshuise kaggel/braaiplek. Sit lekker op die dek en verlustig jou in die mooi uitsig oor die dam en die omliggende inheemse bosse wat deurspek is met voëltjies. Geen lugversorging, TV of yskas nie.

Vir jou gerief voorsien ons: braaipakke (plaaslike gehalte-vleis) en toebroodjies vir die kole, vars slaaie (Grieks, Italiaans en ander tipes op versoek), hout en koeldrank.

Ons het konferensiegeriewe vir sowat 95 afgevaardigdes.

Doendinge:

* Staproetes
* Voëlkyk
* Swem/sonbaai/ontspan langs die swembad
* Baarshengel - vang-en-vrylaat

Kweekkraal is gerieflik geleë in 'n luisterryke omgewing en is ideaal vir gesinne en sakereisigers wat versot sal wees op die veilige, bekostigbare dog gerieflike plaasverblyf aan die voet van die Langeberge.

Vind rus en vrede in die buitelug!